1 Corintios 1:30 - Nuevo Testamento Toba Maskoy

³⁰ Apkeliepetkasakhe lhta ketlhengkap Eniapom Neten Cristo, apto m'a malha apkeliangveiakmo apanko'ok, apkeltemeskeskamo nhan apkelpeivomo aniem'o m'a. Apkelpokkanmo nhan kakpota etnangkok Eniapom Neten apkennemolhema, apkel·hatsoskekho nhan neksa anmaikama moniamolhma.

1 Corintios 1:30 ပူးပေါင်းရင်းမြစ်များ

Lucas 11:49

Apiamavek nak nanoka Eniapom Neten apmak'akha ngkotnek, lhnak na nek aptemak ma'a: "Allapaksek hata askeleltennaskama ania'a ehenkok kakpota nhan askelapaskamo, moklhem'a ta ngkolhek annapakho, po'ok hata nhan ngkolhek akmenlhenangka", lhnak na ne aptemak Eniapom Neten ma'a.

Lucas 21:15

Ko'o ta allangkok ngkeskama apkeliangveiakmo apkellasennammap la ankok kakpota nkollapvanak apkellatemmoikama, mangkolhek hata alieko'o ketlhengkap ma'a.

Juan 14:6

Ka apkatemmongka lhta Jesús ma'a, lhta aptak apkano: —Ko'o asto nak vanlha malha lhema amai akmaiangko akieto apnakha Eniapom, ko'o asto nhan have niapak anke niapom, askellaikamok na aliennaktema apnenio'ok enenlhet'avok lhma nkek ham.

Juan 17:26

Asketlhekmoskek ko'o mota aptemakha lheiap, alhenkesek hata mokhom asketlhekmoskama kakpota etlhengkesek na helpasmekha ko'o m'a, kakpota nhan ellasekhakpok apieseksek ma'a, malha akto nak ennengko'o nellasekhammalhko mota —lhta aptak Jesús apkenmalhno Eniapom.

Juan 8:12

Lhta aptak mokhom Jesús apkellano enenlhet: —Ko'o asto malha apommatema apieseksek enenlhet'avok apkellokha la'a, apkellelto la helieplekama nkolhnangkok hata apommatema hengaikamok akiennaktema enneniek, melloka ta ienaqtesakha lhma —lhta aptak.

Hechos 26:18

Kakpota nkotlheianvomok apvalho'ok elvatesangkok na apkelloma ienaqtesakha lhma m'a aniem'o nak anmaikama Satanas. Kakpota ellasekhekhok Eniapom Neten, elloka nhan atsak'elha lhma elieploma nhan Eniapom Neten, meliaskamek na asvesai'a ko'o. Netamen Eniapom Neten etneskesama ta apankek meleliehekho apkellaskamakha m'a, etneskesangkok na apkelpokkanma", lhta aptak heiano Jesús ma'a.

Romanos 1:17

Ania'a aktaqmanma nak hengeleltennaskek vanlha Eniapom Neten apvankek henteskesangkok nelpeivomo aniem'o mongeliaskeiam Jesucristo, ka ktemo nak aktalhesammalhka nhan Vakkahak Eniapom Neten apaivoma hengke'e: «Enenlhet apto la apeivomo, eloka ta akvanqakhoho» ka ntemak ma'a.

Romanos 11:36

Nkanek Eniapom Neten apto apkellanai'a lhamakho qaselha lhmankek ham, apanko'ok apankavek ma'a, apkellaikamok na aliennaktema m'a qaselha lhta apkelentepkeskama kakpota nkollokaha. Hai', ntasek ma'a ngkolhek aktakneskasengko apvesai'a lhma nkek ham. Amen.

Romanos 12:5

Nnavek na ennengko'o niekhe nenlhamakma, koka nenlhamakho nengelelto nengelpasmekha aniem'o Cristo, nentangkokhek malha lhema neniokha.

Romanos 16:11

Nlhenkek na evalhok aspaioma lheme' Herodion kakpota nhan apkennemolhema apankek Narciso, apkellelto nak meliaskeiam Apveske.

Romanos 16:7

Nlhenkek na evalhok aspaivoma lhema Andronico kakpota nhan Junias, allelto lhta amaniaie nkavek nkoliaskeiam Jesús, alhaiek koka ko'o, asnaktemommalhko lhta nhan lhemek ko m'a, avanhek anke lhta nhan apkelleliehekho mota nema allapaskamo m'a.

Romanos 4:25

Apto lhta nhan ma'a nema ankongvaiam kakpota ematong hengiaqmoiekha ennengko'o aniem'o nellanekamo nkollatsekama. Netamen nemo nhan aklhatekhaskeiakmo kakpota hengeltemeskesek nengelpeivomo m'a.

Romanos 4:6

Lhnak nanek na aptemak David apketlheianmo aktaqmelakho nkek enenlhet nema nak altemeskeskama apkelpeivomo metka akianmoma.

Romanos 5:19

Lhema enenlhet alhta apmanie panke meliehekho apkaskamakha Eniapom Neten, hengeltemeskeskamo nhan ennengko'o mangeleliehekhok. Netamen na lhema aphapak apanke lhta nhan enenlhet apkeliehekho apkaskamakha Eniapom Neten, hengeltemeskeskamo nhan ennengko'o nengelpeivomo m'a.

Romanos 5:21

Mang nantek na meleliehekho apkellaskamakha Eniapom Neten, lhna songkek akvai'o nengetsepma m'a. Kolhva koka nhan ngvai'ak aktaqmanma hengellanei'o Eniapom Neten, hengeltemeskeskamo nhan nengelpeivomo metka akianmoma, kakpota nhan hengellaiangko akiennaktema enneniek mankotnengvaianlha nnelha aniem'o Apveske engankok Jesucristo.

Romanos 8:1

Ka ngkeniemai'ak ma'a kolhva mamma hengetlhenek netselhnanemmalhka nengelelto nak nempasmekha Cristo Jesús,

Romanos 8:23

Nellapentengkek na ennengko'o, niekhe akietnema Espíritu apkelientemongkeskamo lhta amanie hengellaikamok, nkaqhok koka avanhek nellengaiangko nengelel·halhanma ngkolhek hata hengeltemeskesakho Eniapom Neten apketkak akiokho nkoie, ngkolhek hata nhan akiaqmongkasakho mo'ok neniokha alhnankok nkanek neniokha nak anmaikama mota maniamolhma.

Romanos 8:9

Ketlhengkap koka melieplavkasak aliaspongkomakha nak apvalho'ok, apkelieplavkaskek koka m'a aptemakha Espíritu apankok Eniapom Neten. Koka metko la apvalho'ok Espíritu apankok Cristo, have nhan apkennemolhema m'a.

1 Corintios 1:2

Nketlhenkek engelvalho'ok apkellelto iglesia apankok Eniapom Neten apkakhangko ham Corinto. Apkellelto nak nema alpokkanma kakpota elpasmekhak Cristo Jesús, etnangkok na Eniapom Neten apkennemolhema. Apkelpasmekha nhan aplhamakho lhmankek ham apkeltakneskasekamok na apvesai'a Jesucristo, apto apveske apanko'ok kakpota nhan apveske engankok ennengko'o.

1 Corintios 1:24

Koka nengelelto nak hengellavekama Eniapom Neten, judios kanhan griegos, neliavek aktaqmanma nke nak apeneskamo lhta apmak'akha etnek Eniapom Neten, apkapaskama Cristo kakpota enietsepok neten iamet aktenneskama, ntemenke lhta m'a aniem'o apmopvana m'a.

1 Corintios 12:18

Koka nlhaniek alpasmekha m'a neniokha nak, Eniapom Neten apnengkanma moklhem'a nak ma'a apmahai'akha la nhan enengkenek ma'a.

1 Corintios 12:27

Ka apkelpasmekha nak ketlhengkap malha ntakhak apiokha nak Cristo, moklhem'a annangkok mok aktema apkenmakmekama apketlhevai'a.

1 Corintios 12:8

Napokha nhan apketlhevangkok apkenmopvanka'a kakpota elpaqmetek nema apkeliamo aniem'o m'a vanlha lhema Espíritu, napokha nhan apketlhevangkok apkenmopvanka'a kakpota elpaqmetek ngkeskama apkeliangveiakmo m'a aniem'o koka nhan nheklhek ma'a Espíritu.

1 Corintios 4:15

Tokha m'a mantek apkellelto apketlhekmosekamok apanko'ok ketlhengkap ham, koka ko'o malha lhema asto apiapma'ak apankavek, alheianvai'a lhta ania'a aktaqmanma apieseksek anak ham, ka aptaiangko lhta nhan apkennemolhema apankave nak Cristo,

1 Corintios 6:11

Ka aptaiangkelha lhta nhan moklhem'a ketlhengkap lhennenga qaselha ngkolatsekama nak, kolhva koka nnengkek aknalhvateskamo iemmen, kno nhan alpokkenkaso Eniapom Neten la apanko'ok, nnengkek na altemeskeskamo apkelpeivomo aniem'o Apveske Jesucristo kakpota nhan Espíritu apankok Eniapom Neten.

2 Corintios 12:2

Asiekpelkemelha ko'o lhema enenlhet mei'askeiam Cristo, nemo lhna lhta akiantemekho akvakho hanetolhema av'alho'ok neten, ngvakmek 14 anio m'a. Apiokho kelha m'a nlho ka la aphangok, Eniapom Neten apiavek ma'a.

2 Corintios 4:6

Aptepkeskangkek nak nanek Eniapom Neten apommatema neksa ienaqtesakha lhma, aptepkeskangkek na apommatema engelvalho'ok anak kakpota nkoltetkesek enenlhet'avok netlheno la'a ania'a aktemakha aplhenammap Cristo, netamen hata nkotlhene ta apvalho'ok Eniapom Neten apto akietnema akiavai'a apmopvana m'a.

Galatas 1:4

Apkaiangkave lhta m'a Jesucristo apmatnama aniem'o mongeleliehekho hengaskamakha Eniapom Neten. Hengelpaqnengkasekho nhan ngkolatsekama hengenmaikamok nenvanlha nak aniem'o nhan Eniapom Neten apkeltema m'a.

Galatas 3:13

Hengel·hatsoskakhe lhta Cristo apianmongkeskekho akianmoma neksa hennaqtevaskama ley, malha nha ntemak apatmekha la nema hennaqtevaskama m'a. Ka ntemak na aklheianma vakkahak Eniapom Neten apaivoma hengke'e: «Nema akiematkeskama apto la apketsepma apiepetkasemmap neten iamet poste».

Efesios 1:10

Apeneskamo lhnak nanek apkelanekha aptakha, nkovak hata aknem akietemo nkek aplheianmakha aptemeskeskama apveske Jesús halhma nkek ham neten kakpota nhan nalhepop anak.

Efesios 1:14

Apkelientemongkeskamo apmanie hengellaikamok Espíritu apanke kakpota nkotlheianvakhok hata mota engelvalho'ok have niapak ankek angetlhevangkok lhamakho aktemakha apeneskamo apaivoma aplheianma etnek hata neksa akvai'a ta m'a akiokho nkek nema hengel·hatsoskekha neksa mongeliamolhma, antangkok hata nhan apkennemolhema m'a. Netamen hata m'a, nenlhamakho angeltakneskasangkok apvesai'a aniem'o akietnema akiavai'a nkek apmopvana.

Efesios 1:7

Apketsepme lhta Cristo akiangkenammalhko nhan ema apankok kakpota hengel·hatsoskakhak neksa hengenmaikama lhta mongeliamolhma, ka aptemeskesaiangka lhta nha apankek mongeliamolhma nak. Koka m'a apeneskamo lhnak nanek Eniapom Neten apkelanekha aptakha etnek hata aniem'o aktaqmanma nkek hengellanei'o.

Efesios 2:10

Nkanek hengellanai'a ennengko'o Eniapom Neten kakpota angellanangkok qaselha altaqmelo hengelpeneskeskamo Eniapom Neten aktemakha akietnaikama apaqtek hentemeskesangkok ma'a, ka songkek nelpasmekho m'a Cristo Jesús.

Efesios 4:30

Meltemeskes na akmaiose apvalhok Espíritu Santo apkeniem'o Eniapom Neten, apto nhan ma'a malha mongenatkeskama la apiempeiok apkeltemeskeskama lhta ketlhengkap kakpota eliekpelkok enenlhet apanko'ok akvakmo ta m'a aknem apsavhomakha apkel·hatsoskekha neksa anmaikama moniamolhma.

Efesios 5:26

Kakpota etnek apokkanma apankek ma'a. Malha nhan apkalhnaskama aniem'o apaivoma malha aktonak iemmen akmovana nak nkalhnaksek ma'a.

Filipenses 3:9

aspasmekho nhan ma'a. Asieniekhek astema moi'askeiam askanemo lhta aspeivomo aniem'o lhta askeliehekho ley Moises, kolhva koka asiavek asto aspeivomo aniem'o moi'askeiam Cristo. Hai, hetneskaskek aspeivomo Eniapom Neten aniem'o m'a mongiaskeiam anak.

Colosenses 1:14

apto lhta nhan hengel·hatsoskekha, aptemeskesaiangka lhta nhan apankek mongeleliehekho hengaskamakha Eniapom Neten.

Colosenses 3:16

Melieniekha nkek na ania'a aktaqmanma aniem'o Cristo, etlhekmosakpo ta apieseksek anak ketlhengkap, ennavesap nahan akieplomo apkeliangveiakmo. Etnamo ta nhan gracias Eniapom Neten, ennekmasamok hata nhan salmos, himnos kakpota nhan nennekmaskama aniem'o apvalho'ok apankave nak.

1 Tesalonicenses 5:23

Nengeleltavek na Eniapom Neten apto aktaqmelaikama engvalhok etnek na apkelpokkanma ketlhengkap, eltaqmelkesek apvalho'ok, apkelvanmongkoma kanhan apkeliokha kakpota etnangkok metka apkeltemengveiakmo lhma akvakmo apvaktamo ta apveske engankok Jesucristo.

Tito 2:14

apkaiangkave lhta nhan apmatnamo m'a kakpota hengel·hatsoskakhak ennengko'o neksa hengenmaikama mangeliamolhma, hengellalhneskeskamo nhan engelvalho'ok ma'a, hengeltemeskeskamo nhan apkennemolhema apanke', anteniangko angellanangkok aktaqmanma.

Hebreos 9:12

Apsekho nhan ema apankok ma'a apkangkongvekho Eniapom Neten, have ema apankok anak ieta'ai kanhan vakka iama ngkelvana, ema apankok apankek koka apsekhak ma'a. ¡Hai, aptalhnengvekhek ma'a akieto konne akpokkenammalhka nke nak, hengel·hatsoskekho nhan metka aktaiekho mokhom neksa hengenmaikamo lhta mangeliamolhma, mankaimelhkak etalhnengvakhak mokhom ma'a!

Santiago 1:5

Koka moklhem'a la ketlhengkap metka apkeliangveiakmo, ntasek elelmalhnama mota Eniapom Neten ngkanek apto nhan ma'a akleklemo mota apvalhok hengankok qaselha, metnak na hentaqheskamo la'a.

1 Pedro 1:2

Eniapom Neten apkeliekiesaikamok ketlhengkap kakpota etnangkok apkennemolhema apankavek ma'a, Espíritu lhta apkelpokkanma m'a kakpota eleliehekhok ma'a, nkolalhnaksek na ema apankok Jesucristo. Askeltavek na ko'o Eniapom Neten eiavenkasok apkeltakmelkeskeskama apkellaniemhaikama, ellangkok na altaqmelaikama apvalho'ok ketlhengkap ham.

2 Pedro 1:1

Ko'o Simon Pedro asto heiapaskama kanhan heiasennaikama Jesucristo, nlhenkek evalhok aplhamakho apketlhevai'a nak mangiaskeiam aktaqmanma nke', ka kto nak ennengko'o aniem'o nak Eniapom Neten kanhan Jesucristo apto apeivomo kanhan hengelvongkeskama tep.

1 Juan 5:6

Neksa apvai'a lhta Jesucristo hengke'e nalhepop anak nietnengke lhta hanet qaselha akvetammalhka m'a aniem'o iemmen kanhan ema, have vanlha iemmen, kanhan ema'. Espíritu lhta aplheianma m'a apto nhan apvetaiangko m'a, apto nhan metka aptaikama apmopvana ania'a m'a.

Apocalipsis 14:4

Apkellelto lhta nhan metka apkelpaisengkeskama apkeliokha menmangveiam na ngkelvana, metka nhan apkellanei'o ngkelvana. Vanlha lhta mota apkelieplekama Nepkesek Apketkok apmangkolha la'a. Apkellelto lhta nhan nema alvongkeskama tep apieseksek enenlhet'avok kakpota nhan malha apkenmesemmakpo apankavek apkeliokho Eniapom Neten kakpota nhan Nepkesek Apketkok. Malha kto nak qaselha nenmeskama amanie nak nenvetai'a nentoskama kanhan akielhna.

Apocalipsis 5:9

Ka apkennekmasengko lhta nhan lhema nennekmaskama alhnankok ma'a, lhta ntemak: —Vanlha lheiap apto akietemo nkek emok, emaiesekhak na nema aliepetkeskama vakkahak anak ngkanek apmatnangke lhta lheiap, apianmongkeskekho lhta ema apankok kakpota hengel·hatsoskakhak neksa hengenmaikama mongeliamolhma, henlaqlekho lhta nhan ma'a napaqtek Eniapom Neten nenlhamakho ennengko'o kakpota nhan apkakhangko natemma lhmankek ham, aknema apkelpasmekhak apketkak kanhan lhamakho aktemakha apkelpaqmeiasma.