1 Corintios 1:21 - Nuevo Testamento Toba Maskoy

²¹ Mankollapvankek enenlhet'avok eliekpelkok Eniapom Neten aniem'o apanko'ok apankave nak apkeliangveiakmo, koka apiangveiakmo nak Eniapom Neten nkeltavek nkolvongkesek tep aniem'o nhan ania'a apanko nak, apkeleltaiangko nak enenlhet'avok taikama nkek ma'a.

1 Corintios 1:21 ပူးပေါင်းရင်းမြစ်များ

Lucas 10:21

Avanhek ankek nak akpaihekha apvalhok Jesús ma'a aniem'o Espíritu Santo, ka apkenmalhnongkomo lhnak ma'a, lhna aptemak: —Eniapom apto Apveske neten kanhan nalhepop, avanhek ankek asiavenkeskamo apvesai'a lheiap ngkanek nlekavek apvalhok eliekiaqsek enenlhet apkellomakha nak apankavek kakpota eliangveskeskamho' aktemakha asketlhekmoskama aplhenammap lheiap, man koka eliekieskamak enenlhet apkellelto neten apankavek apkeliaspommap —lhna aptemak Jesús apkenmalhnongkomo Eniapom Neten.

Lucas 12:32

—Mankoliet ankek apkellai'a ketlhengkap apkellelto nak helieplekama, apkanet apanke niekhe ketlhengkap, koka Apkeliapom anak hata eltemeskesek apkelveskai'e apkelpasmekha m'a aniem'o apiamolhma m'a.

Juan 12:31

Ngvakmek aknem lhmanke nak ham nkoiekpelkalhkak hata ngkollatsekama kanhan aktaqmanma nak. Ngkolhek hata nhan aktepkeso aktemo nak aveske lhmankek ham.

Romanos 1:28

Mankonmahai'ak enmok takha Eniapom Neten, ka ngkanek etlhekhak kakpota elieplavkesek apankavek ngkollatsekama alketansema apvalho'ok, ellanangkok ngkollatsekama.

Romanos 11:33

Neten apankek akietnema apiangveiakmo Eniapom Neten, apkeliekpelkemo nhan lhamakho altemakha qaselha, mongapvankek ennengko'o angeliangvomhok alketamekama apvalhok ma'a kakpota nhan apkellanai'a qaselhaha.

1 Corintios 1:18

Ka ania'a nak aplhenammap apketsepma Cristo neten iamet aktenneskama, nietnek akmovana aniem'o Eniapom Neten apieseksek apkellelto ta apkelvonkasemmap tep, koka apkellanengkek aktaikama nkek ma'a apkellelto ta apkenmaikamok akieto nenmaskengvaianlha.

1 Corintios 1:23

Ennengko'o koka neleltennaskek ania'a Cristo apketsepma lhta neten iamet aktenneskama, apkeltaknevakkek koka judios ania'a nak, aktaikama nkek koka apkellanemak ania'a nak metnangko nak judios.

1 Corintios 1:24

Koka nengelelto nak hengellavekama Eniapom Neten, judios kanhan griegos, neliavek aktaqmanma nke nak apeneskamo lhta apmak'akha etnek Eniapom Neten, apkapaskama Cristo kakpota enietsepok neten iamet aktenneskama, ntemenke lhta m'a aniem'o apmopvana m'a.

1 Corintios 1:25

Niekhe moklhem'a enenlhet atlhenaikama apvalho'ok taikama nkek ania'a nak, koka akto neten ankek nema akiamo m'a, mamma enenlhet etnek ma'a aptemakha nak Eniapom Neten apkelanai'a. Niekhe moklhem'a enenlhet atlheianma apvalho'ok nkoiennaktema apiempek Eniapom Neten, koka have m'a, apiennaktema apankek ma'a, mamma enenlhet elhohok ma'a.

1 Corintios 1:27

Hai, apkeliekieskek Eniapom Neten enenlhet apketlhenammap la metka apkeliamo kakpota etneskasokhak koneng ma'a nema nak apkeliamo. Apkeliekieskek enenlhet apketlhenammap la metka apiempeiok kakpota etneskasokhak koneng ma'a enenlhet aliennaktema la apiempeiok.

1 Corintios 11:32

Koka apkelan'avek sekhek nentemakha Apveske, netamen ma'a apiaqmongkasakhek na nentemakha ngkolatsekama la'a kakpota netamen ma'a aniangvomho lhma m'a, mankovhek na mokhom nema akiaqmongkasekha ka aktemo nak ma'a melioho nak mokhom Eniapom Neten.

1 Corintios 2:14

Koka mangkollapvankek eliangvomhok ma'a apkellelto nak metka Espíritu apankok Eniapom ngkanek aktaikama ankek apkellanemak ma'a, vanlha koka apvankek iehangvomhok ma'a apietno la Espíritu apankok anak Eniapom Neten.

1 Corintios 4:10

Netlhenalhkek na ennengko'o metka enqatko'ok aniem'o nellasennaikama Cristo, ketlhengkap koka apkeltemeskaskek Cristo nema apkeliamo. Netlhenalhkek na ennengko'o nengelelto mongeliennaktema, ketlhengkap koka apkeliennaktema. Manghengellak'ok na enenlhet'avok, ketlhengkap koka apkellak'ok ma'a.

1 Corintios 6:2

¡Ketlhengkap hata nhan etnangkok apkeliekpelkemo apkellanekamok ngkollatsekama nlho ka la aktaqmanma aplhamakho enenlhet'avok alhma nkek ham! ¡Nkelietavek na eliekpelkok ketsek la apkellammelhammap apieseksek anak ketlhengkap ham!

Galatas 1:15

Nkaqhok koka m'a Eniapom Neten heliekieskangke panke amanie asmahai'a atiemok av'alhok meme aniem'o aktaqmanma nkek helanei'o, apmahai'ak na heteskesek Apketka kakpota heiapaksek ma'a aleltennasangkok apvesai'a apieseksek metnangko nak Judios. Ma lhta ateniaikama enenlhet hetlhekmoskama la'a,

Galatas 4:8

Lhennenga lhta ketlhengkap apkellasennaikama qaselha neniava nak mankotno Eniapom Neten, ma lhta eliamok na aptemakha Eniapom Neten,

Efesios 1:9

kakpota angeliangvomhok ma'a apeneskamo lhnak nanek apmak'akha ta etnek aniem'o apiamolhma hengellanei'o, malha aposkama la qaselha apmahai'akha etneskesek apkelanei'o Cristo.

Efesios 3:10

Kolhva aniem'o iglesia alanai'a qaselha, nkolvetak hata kasekapo av'alho'ok alientalhnemo nke nak, aknema nak anmovanka'a, kanhan alveskaie, nkolvetak hata nema apiamo Eniapom Neten.

Colosenses 1:19

Apkeltave lhta Eniapom Neten ngkoitek apmopvana apankok ma'a Cristo,

Hebreos 1:14

Nkanek ángeles apkellelto malha eniempehek apkellasennaikama Eniapom Neten kakpota ellapaksek elpasmok apkellelto nak apkelvonkasemmap tep.

Hebreos 7:25

Ka ngkanek apvankek na elvongkesek tep lhema aktema metka mokhom taiep apkellelto la apkelketansema m'a kakpota nhan elaqlakhak ma'a napaqtek Eniapom Neten apto mangkotnengvaiam annelha apkaniemhaikama m'a, vanlha mota apkeltennaskekha apkelvesai'a enenlhet napaqtek Eniapom Neten.

Santiago 4:4

¡Apnaqtevaskamavek ketlhengkap apkellanei'o Eniapom Neten! Apkeliangveianlha niekhe ketlhengkap apkellelto niekhe apkellasekhai'o ngkollatsekama nak, apkellammelhmek koka niekhe nhan Eniapom Neten, have niapak ankek ma'a.

Santiago 5:15

Ka apkelelmalhno la akieplomo meliaskeiam ma'a, etaqmalvomok hata akmaska apiempek anak. Apveske Jesús hata emaskeskesek aplengaiangko m'a, akietno la nhan ngkolatsekama apkelanai'a, etneskesama ta nhan apankek ma'a.