1 Corintios 1:20 - Nuevo Testamento Toba Maskoy

²⁰ ¡Aqhemo m'a apkeliangveiakmo nema nak apkeliangveiakmo, escribas, kanhan apkenmopvanka'a apkelpaqmeiasma etlhenek qaselha nenvanlha nak! Eniapom Neten koka aptemeskesakhak aktaikama nkek ma'a apkeliangveiakmo nak.

1 Corintios 1:20 ပူးပေါင်းရင်းမြစ်များ

Juan 12:31

Ngvakmek aknem lhmanke nak ham nkoiekpelkalhkak hata ngkollatsekama kanhan aktaqmanma nak. Ngkolhek hata nhan aktepkeso aktemo nak aveske lhmankek ham.

Hechos 17:18

Apketlhekmoskangkek nak Pablo m'a aptemakha Jesús kakpota nhan aktemakha nema apnaklhatekhaskeiam hata apieseksek apkenmaskengvaiakmo. Koka apkellammelhmek nak na m'a moklhem'a enenlhet apkelvesai'a Epicureos kakpota nhan po'ok apasmekha apkelvesai'a Estoicos, lhna aptaiangkok: —¿Se lha aplheno ham enenlhet anak aplhamasammap, he? —lhna aptaiangkok. Lhnak na aptaiangkok apketlhelhma'ak: —Malha nak apketlhekmoskama apkeltemakha dioses mo'ok apkellavakha —lhna aptaiangkok.

Romanos 1:20

Mongapvankek koka angvetak Eniapom Neten kakpota nhan apmopvana nkotnengvaianlha nnelha, koka neksa alketamekama la apvalho'ok enenlhet aktemakha lhamakho qaselha apkelentepkeskama lhta m'a aniem'o apkelvetai'a, nkolpeivesekha apvalho'ok apnema have niapak ankek Eniapom Neten. Mankollapvankek na etlhenek meliamo Eniapom Neten,

Romanos 1:22

Apketlhenammakpave lhta mota nema apkeliamo m'a, koka malha metka apaqto'ok ma'a,

1 Corintios 1:19

Ka ntemak na aktalhesammalhka vakkahak Eniapom Neten apaivoma hengke'e: «Anaktevaskese ta apkeliangveiakmo nak nema nak apkeliangveiakmo, aihengekhak hata nhan apkeliamo apanko'ok apankavek nema nak apkeliamo», lhna ntemak ma'a.

1 Corintios 1:26

¡Kolietnamano apaqto'ok elialheng'a! Apkanetek apkellelto nema apkeliamo apieseksek anak ketlhengkap aniem'o apketlheianma mota enenlhet, apkanetek na apkellelto apkelemhama apmaniaie' apieseksek anak, apkanetek na apkelleniem'o la apkennemolhema apankavek aptangko neten apankavek apkeliaspommap ham, nkaqhok koka m'a apkeliekieskangke pankek Eniapom Neten ketlhengkap apieseksek anak.

1 Corintios 1:27

Hai, apkeliekieskek Eniapom Neten enenlhet apketlhenammap la metka apkeliamo kakpota etneskasokhak koneng ma'a nema nak apkeliamo. Apkeliekieskek enenlhet apketlhenammap la metka apiempeiok kakpota etneskasokhak koneng ma'a enenlhet aliennaktema la apiempeiok.

1 Corintios 1:28

Apkeliekieskek Eniapom Neten enenlhet apkeltaknommap anak, apketlhenammap anak na metnaikamok neten, metka nhan apkeliaspommap la'a, nkaqhok koka apkeliekieskek kakpota eltemeskasokhak koneng apkellelto nak apketlhenammap amota neten apankavek,

1 Corintios 11:32

Koka apkelan'avek sekhek nentemakha Apveske, netamen ma'a apiaqmongkasakhek na nentemakha ngkolatsekama la'a kakpota netamen ma'a aniangvomho lhma m'a, mankovhek na mokhom nema akiaqmongkasekha ka aktemo nak ma'a melioho nak mokhom Eniapom Neten.

1 Corintios 2:6

Asketlhekmoske lhtoka apieseksek anak aliennaktema nak meliaskeiam akieplomo asiangveiakmo, have koka aniem'o nak enenlhet, nlho ka la m'a apkelemhama apmaniaie nak, akmaskengvaiam anak apkelientalhnemo.

1 Corintios 2:8

Ma lhta nkoietnemak nenianveiakmo nak apkelemhama apmaniaie engankok alhta, ko lhtema nak akietnema la apkeliamoho, mennape lhta Apveske engankok aknema apmopvana neten iamet aktenneskama.

1 Corintios 3:18

Apno la apieseksek ketlhengkap apkanema la nkoietnak apiangveiakmo apankok apanke', apiennengkasekpe pankek na m'a enenlhet anak, ntasek eihangvakhok apankok apanke apto meihangveiakmo, netamen hata m'a nkovak aptema apiangveiakmo m'a.

1 Corintios 3:19

Aktaikama nkek ma'a napaqtek Eniapom Neten nenianveiakmo nak aniem'o engankok enganke. Ka ktemo nak aktalhesammalhka Eniapom Neten apaivoma hengke'e: «Aptemeskaskek Eniapom Neten nema nak apkeliangveiakmo nkonmok al·hanemmalhka aniem'o apkeliangveiakmo apanko'ok apankave».

1 Corintios 6:2

¡Ketlhengkap hata nhan etnangkok apkeliekpelkemo apkellanekamok ngkollatsekama nlho ka la aktaqmanma aplhamakho enenlhet'avok alhma nkek ham! ¡Nkelietavek na eliekpelkok ketsek la apkellammelhammap apieseksek anak ketlhengkap ham!

Santiago 4:4

¡Apnaqtevaskamavek ketlhengkap apkellanei'o Eniapom Neten! Apkeliangveianlha niekhe ketlhengkap apkellelto niekhe apkellasekhai'o ngkollatsekama nak, apkellammelhmek koka niekhe nhan Eniapom Neten, have niapak ankek ma'a.