Yudas 1:24 - Kaili Ledo

²⁴ Ratoiyatamo Alatala sabana Ia nakuasa nombajagai kita ala ledo rakabasakata pomparasayata. Ia nakuasa manggeni kita hau ri suruga mantingayo Ia riara kaogeNa, bo ledo maria salata, bo melabi kadamba rarata.

Yudas 1:24 ပူးပေါင်းရင်းမြစ်များ

Matius 16:27

Jadi, oseakamo Yaku nau sampe mamate. Apa domo masae Yaku, Ana nu Manusia makava lako ri suruga ante kuasa bo reme lako nte TuamaKu, mosanggani-nggani ante malaeka-malaekaNa. Bo tempo haitu Kubalasi pura-pura tona nangoseaka pokaingguna.

Matius 19:28

Nesana i Yesus ka ira, “Pariaramo tesaKu hitu. Yaku, Ana nu Manusia momparenta ante kuasa bara maipia tempo Alatala mompakabaru mpengaya-ngaya. Bo komiu topangoseaka Yaku momparenta mosanggani-nggani nte Yaku bo monturo ri sapulu randua gadera magau bo mombatangara todea Israel, haitumo muli nu sapulu randua ana i Israel.

Matius 25:31

“Tempo Yaku, Ana nu Manusia makava mpanjili ri dunia ante reme bo kuasaKu, nosanggani-nggani ante malaeka-malaekaKu, Yaku monturo ri Gadera PoparentaKu mombatangara mpo Magau.

Matius 5:12

Ivesia muni nipoviara ka nabi-nabi nggaulu. Jadi kadamba-dambamo raramiu ane tutu majadi nte komiu sabana naoge mpuu belo nipakasadia ka komiu ri suruga.”

Lukas 9:26

Isema-sema maeya matana manguli ia topangoseaka Yaku bo maeya matana nte pepatudukiKu, Yaku muni maeya mataKu manguli ia topangoseaka Yaku tempo Yaku meonga lako ri suruga. Yaku, Ana nu Manusia, manau ante reme bo kuasaKu bo kuasa nTuamaKu bo malaeka-malaekaNa nagasa.

Roma 14:4

Roata haitu batua nu Alatala, ledo batuata. Ledo masipato kita manjalai batua ntona ntanina. Bara makana bara masala batua haitu, haitu urusa nu tuana mboto, ledo urusata. Bo tona nangande mpengaya-ngaya kandea haitu tantu rareke nakana sabana Tupu nakuasa nombatulungi ia novia anu nakana.

Roma 8:31

Jadi sampesuvu-sampesuvu. Ane rapekirita pura-pura anu nipovia nu Alatala ka kita, maroso rarata. Apa ane Alatala mosabingga ka kita, isema mompakule mangeva kita?

2 Korintus 11:2

Yaku mpuu-mpuu nompariarantaika komiu, nasimbayu mpo Alatala nompariarantaika komiu! Komiu nirapaka randaa nagasa pokaingguna anu nipopotengeakuka saito langgai, haitumo i Kristus. Batua porapa hitu, yakumo anu paratama nompatuduki komiu momparasaya i Yesus. Dotaku ala komiu ledo molinja ntanina tapi bate-batena momparasaya Ia.

2 Korintus 4:14

Alatala nompakatuvu mpanjili i Pue Yesus lako ri kamateNa, bo nisani kami, kami muni rapakatuvuNa mpanjili nasimbayu mpo Ia. Bo niparasaya kami Ia manggeni kami ri ngayo i Pue Yesus mosanggani-nggani ante komiu.

2 Korintus 4:17

Kasusa nirasai kami ri dunia hitu nangaa bo aga sampalai. Bo kami mantarima belo sampe ri kasae-saena sabana nitidamaka kami riara kasusa haitu. Kasusa nirasai kami sii-sii aga sakide kodi ane rapoposisala ante belo ratarimata bara maipia.

Efesus 3:20

Alatala masipato rabilata! Nabaraka mpuu kuasaNa anu nombatulungi kita riara katuvuta. Ante kuasaNa haitu, Alatala nompakule novia nelabipa pade pura-pura raperapita atau rapekirita.

Efesus 5:27

I Kristus novia ivesia ala kita todeaNa majadi masipato mantingayo Ia, nasimbayu mpo boti mombine anu nagaya mpuu ri panggita nu bereina, nagasa bo nabelo ntoto, anu ledo nakura nuapa-nuapa, bo ledo ria nuapa-nuapa rasalai.

Kolose 1:22

Tapi, sii-sii Alatala nompoposinggabelo mpanjili komiu ante Ia sabana kamate i Kristus. I Kristus nombadekei karoNa rapatesi ala komiu majadi magasa, bo komiu ledo masala atau makura ri panggitaNa.

Kolose 1:28

Jadi Kareba i Kristusmo nipatolele kami ka pura-pura tona. Nipake kami pura-pura noto anu naria riara ntai kami nompopatora ira anu ledo mabelo rapoviara bo nompatuduki ira movia anu nabelo. Patuju kami ala pura-pura ira mamala rakeni mantingayo Alatala bo pomparasayara ledo makura nuapa-nuapa ri panggitaNa sabana posangu rarara ante i Kristus.

Kolose 3:4

I Kristusmo nombadekei katuvu nabaru ka komiu. Tempo Ia meonga mpanjili ri dunia, kuasaNa bo kaogeNa rakita mpuu, bo kaoge katuvumiu nabaru rakita muni sabana komiu mosanggani-nggani nte Ia.

2 Timotius 4:18

Bo niparasayaku i Pue bate-batena mombakabasaka yaku lako ri pura-pura anu nadaa bo manggeni yaku ante masalama mesua ri PoparentaNa ri suruga. Ia masipato rabila bo ratoiya sampe ri kasae-saena! Amin.

Yakobus 2:10

Apa ane rapasimbukuta mangoseaka pura-pura atura nu Alatala, bo nau aga sangaya raliunakata, nasimbayu mpo niliunakata pura-pura atura haitu.

1 Petrus 4:13

Kakanana komiu kana madamba, sabana komiu nombarasai kasusa bo kapari nasimbayu mpo anu nirasai i Kristus mboto. Apa ane komiu nombarasi susa bo pari mpo nirasai i Kristus, mambaso mpuu kadamba nu raramiu tempo Ia makava mpanjili. Tempo haitu, kaoge i Kristus anu nipokumaaka rapopakita ka pura-pura manusia.

2 Petrus 1:10

Jadi sampesuvu-sampesuvu, pasimbuku mpuumo mokainggu mabelo ala malanto komiu mpuu-mpuu nipelisi nu Alatala bo nipokioNa majadi todeaNa. Ane inggu-inggu pangane ratambaika pomparasayamiu, natantu ledo ntoto moura pomparasayamiu,

Yudas 1:21

Komiu kana bate-batena matuvu mantora pepotove nu Alatala ka komiu. Bo tongorakamo kakava nTuputa i Yesus anu mombadekei katuvu nabelo sampe ri kasae-saena ka kita sabana kabelo raraNa.

Pompakita 14:5

Ira ledo sanggani nodava, bo nau aga sakide ledo ntoto naria salara.