Yudas 1:23 - Kaili Ledo

²³ Naria tona ntanina damo kasalandalana. Tulungimo ira ala ira rapakasalama lako ri pehuku, nasimbayu mpo porabutakamiu tona lako ri apu. Bo poasi munimo tona nikuasai dota rarara nadaa. Tulungi ira manjili ri dala nakana, tapi jagaimo, mbelaka komiu matekeni mangoseaka pokainggura nadaa. Potovemo tona nadosa tapi povuu matamo pokainggura.

Yudas 1:23 ပူးပေါင်းရင်းမြစ်များ

Roma 11:14

Apa nisarumakaku maria sanu sampesuvuku toYahudi masiriati manggita komiu, sampe ira muni mamala kukeni momparasaya i Yesus bo rapakasalama.

1 Korintus 15:33

Tapi nee sampe komiu rabagiu ntona anu nanguli tomate ledo rapakatuvu mpanjili. Toramo! Ane kita movega ante tona nadaa, tantu rapasialata pokainggura.

1 Korintus 3:15

Tapi ane ledo nabelo pokarajaana rakita nu Alatala, ledo maria tambo radekei ka ia. Malipo tambona tapi karona masalama. Ia masimbayu mpo tona napapu banuana bo damo karona nggoo ledo nikande nu apu.

2 Korintus 5:11

Jadi naeka rara kami movia anu ledo rapokono nTupu, apa nisani kami Ia mombatangara kita pura-pura. Jadi haitumo sabana kami nompasimbuku manggeni tona momparasaya i Yesus. Nisani nu Alatalamo isi rara ntai kami. Bo nisarumakaku rasanimiu muni isi rara ntai kami bo domo monggai raramiu mompekirika kami.

2 Tesalonika 3:14

Ane rapana maria tona ledo madota mangoseaka tesa nitulisi kami riara sura hitu, tandaimo ira. Nee mosimpovega nte ira ala kaupuna maeya matara.

1 Timotius 4:16

Jagaimo pokainggumu bo jagai muni pepatudukimu. Iko kana matutu movia pura-pura anu nipatudukiku ka iko. Apa ane mupovia ivesia, iko mboto rapakasalama bo topangepe pepatudukimu muni rapakasalama.

2 Yohanes 1:11

sabana isema-sema mombakadambanaka ira, nasimbayu mpo niporoana ira novia anu nadaa.

Yudas 1:22

Komiu kana mompoasi tona da nolengga-lengga pomparasayara.

Pompakita 3:18

Haitu sampe Kutevai ka komiu ivei: Alimo bulava nipakagasa riara apu lako nte Yaku ala komiu mpuu-mpuu makalumana ri panggitaKu. Bo ali munimo pakea mputi lako nte Yaku, ala komiu mamala mopakea bo ledo maeya matamiu rakita ntona komiu novuloa. Bo ali munimo pakuli ragese ri matamiu ala komiu mamala mekita mpanjili.

Pompakita 3:4

Tapi da nariapa nte komiu ri ngata Sardis bara sako-ndua tona nombajagai pakeara sampe ledo natapa. Iramo anu mamala molipa mosanggani-nggani ante Yaku mopakea mputi, sabana iramo anu masipato molipa ante Yaku.