Yohanes 9:31 - Kaili Ledo

³¹ Nisanita Alatala ledo nangepe posambaya ntona nadosa, tapi Ia nompetalingai posambaya ntona netupu nte Ia bo nangoseaka dotaNa. Ane tona haitu ledo lako nte Alatala, berimbamo Ia mompakabelo mataku?

Yohanes 9:31 ပူးပေါင်းရင်းမြစ်များ

Yohanes 11:22

Tapi naupa ivesia, nisaniku nuapa-nuapa raperapiMiu sii-sii, radekei nu Alatala ka Komiu.”

Yohanes 15:16

Ledo komiu nompelisi Yaku, tapi Yaku nompelisi komiu bo nombatudu komiu hau movua madea, haitumo vua anu ledo maupu-upu. Ane komiu movua ivesia, nuapa-nuapa raperapimiu lako nte TuamaKu sabana komiu topangoseaka Yaku, kana radekeiNa ka komiu.

Yohanes 4:34

Jadi nanguli i Yesus ka ira, “Mangoseaka dota nu Alatala anu nantudu Yaku, bo mompakaupu pokarajaa niparasayaNa ka Yaku, haitumo kandeaKu.

Yohanes 7:17

Isema-sema madota mangoseaka dota nu Alatala, natantumo rasanina pepatudukiKu hitu lako nte Alatala, bo ledo lako nte Yaku mboto.

Yohanes 9:30

Bo nesana vaimo toburo haitu, “Hee! Nahera mpuu yaku! Ledo nisanimiu lako ri umba kakavaNa, tapi Ia nompakabelo mataku naburo!

Yohanes 9:32

Lako ri lamba pamulana dopa sanggani niepeta naria tona namala nompakabelo mata ntona naburo mami lako ri pompoanaka.

Ibrani 10:7

Pade niuliKu, ‘Siimo Yaku, O Pue Alatala, nasadiamo Yaku movia dotaMiu nasimbayu mpo anu nitulisi riara Buku Gasa anu nombatesaki Yaku.’ ” Mazmur 40:7-9