Yohanes 9:30 - Kaili Ledo

³⁰ Bo nesana vaimo toburo haitu, “Hee! Nahera mpuu yaku! Ledo nisanimiu lako ri umba kakavaNa, tapi Ia nompakabelo mataku naburo!

Yohanes 9:30 ပူးပေါင်းရင်းမြစ်များ

Matius 11:5

tona naburo nekita, tona napunggu nolipamo, tona nadua oge nipakabelomo, tona nabongo neepemo, tona namate natuvu mpanjilimo, bo Kareba Belo lako nte Alatala nipatolele munimo ka tona napakasi.

Matius 21:42

Nanguli i Yesus ka ira, “Natantu nibacamiumo tesa riara Buku Gasa anu nombatesa Magau Topepakasalama ivei: Vatu nitedeaka ntopovia banua vatu haitumo anu nopokopa ka banua haitu. Haitu nipovia nTupu, bo nabelo mpuu ri panggitata!” Mazmur 118:22-23

Markus 6:6

Bo nahera mpuu i Yesus nanggita ira ledo nomparasaya. Naupu haitu haumo i Yesus nompesayoki ngata-ngata ntanina ri bagia haitu, bo nompatolele Tesa nu Alatala.

Lukas 7:22

Jadi, nesanamo i Yesus ka tona nitudu i Yohanes, “Panjilimo komiu, bo ulika i Yohanes pura-pura anu nikitamiu bo niepemiu: tona naburo nekitamo, tona napunggu nolipamo, tona nadua oge nabelomo, tona nabongo neepemo, tona namate natuvu mpanjilimo, bo Kareba Belo lako nte Alatala nipatolele munimo ka tona napakasi.

Yohanes 12:37

Naupa nadeamo kabaraka nipoviaNa ri ngayora, ledo niparasayara Ia.

Yohanes 3:10

Nesana i Yesus, “Iko tu guru ntoYahudi anu nibila. Berimba bo ledo nisanimu?

Yohanes 9:29

Nisani kami Alatala notesa nte i Musa nggaulu. Tapi tona haitu, ledo nisani kami unu nu apuNa.”

Yohanes 9:31

Nisanita Alatala ledo nangepe posambaya ntona nadosa, tapi Ia nompetalingai posambaya ntona netupu nte Ia bo nangoseaka dotaNa. Ane tona haitu ledo lako nte Alatala, berimbamo Ia mompakabelo mataku?

2 Korintus 4:6

Tempo Alatala nompajadi dunia niuliNa, “Lako ri kalandana meumbamo reme!” Ivesia muni nipakaremeNa pekirita ala pekirita majadi manoto bo rasanita kaogeNa. ToIsrael nggaulu nanggita kaoge nu Alatala nenggila ri lenje i Musa. Ivesia muni rasanita kaoge nu Alatala ane raposisanita i Kristus.