Yohanes 9:24 - Kaili Ledo

²⁴ Naupu haitu, nipokiora vai sangganipa toburo haitu bo nipekutanara, “Ulimo anu nakana ri ngayo nu Alatala! Nisani kamimo tona nompakabelo matamu haitu tona nadosa!”

Yohanes 9:24 ပူးပေါင်းရင်းမြစ်များ

Markus 15:27

Naria muni randua topeago nipaku ri kayu salib ntanina nosanggani-nggani ante i Yesus, saito ri pangganaNa bo saitopa ri panggaiNa.

Lukas 15:2

Nanggita haitu, toFarisi bo guru agama nongau. “Hm! Ledo nabelo tona hitu! Ia nosimporoa ante tona nadaa bo nangande singgani nte ira!”

Lukas 19:7

Tapi pura-pura tona nanggita i Yesus hau ri banua i Zakheus, nongua-ngua. “Hm, ledo nabelo i Yesus nesai ri banua ntodosa!”

Lukas 7:39

Nanggita haitu, nompekirimo i Simon, “Tona hitu ledo nabi. Ane rapana Ia nabi, tantu rasaniNa isema mombine nanggangisi Ia haitu, apa mombine haitu nadosa.”

Yohanes 14:30

Domo madea tesa Kuuli ka komiu, sabana gantanamo Magau nu Seta makava. Ia nombakuasai tona nadaa ri dunia hitu tapi ia ledo nakuasa momparenta Yaku.

Yohanes 16:2

Komiu domo radekei metupu ri banua petupu ntoYahudi. Bo makava tempona topompatesi komiu rasarumakara poviara haitu mompakadamba rara nu Alatala.

Yohanes 18:30

Nesanamo ira, “Tua, ane ia ledo tona nadaa, natantu ledo rakeni kami tumai ka komiu.”

Yohanes 19:6

Nanggita i Yesus, nongare-ngaremo balengga-balengga ntopanggeni agama bo topojaga-topojaga Banua nu Alatala nanguli, “Pakumo Ia ri kayu salib! Pakumo Ia ri kayu salib!” Nesana i Pilatus ka ira, “Alamiu mbotomo Ia, bo pakumiu mbotomo Ia ri kayu salib, sabana tona hitu ledo ntoto naria salaNa nikavaku.”

Yohanes 5:23

ala pura-pura tona mombabila Yaku, AnaNa, nasimbayu mpo pebilara Ia. Isema-sema ledo nombabila Yaku, batuana ia ledo muni nombabila TuamaKu anu nantudu Yaku.

Yohanes 8:46

Coba popakita ka Yaku dosaKu! Nakana anu nitesaKu, jadi nakuya ledo niparasayamiu?

Yohanes 8:49

Nesana i Yesus, “Yaku ledo nipesua nu seta. Yaku nombabila TuamaKu, tapi aga nisalaimiu Yaku.

Yohanes 9:16

Bara sako-ndua toFarisi haitu nanguli, “Natantumo i Yesus haitu ledo lako nte Alatala, sabana Ia ledo nangoseaka atura-atura eo penonto.” Tapi naria muni sanu nanguli, “Umbamo tona nadosa mamala movia kabaraka ivehaitu?” Jadi nosisala panggava ira.

Yohanes 9:25

Bo nesana toburo haitu, “Ledo nisaniku bara nadosa Ia bara ledo. Tapi anu nisaniku, pangane yaku naburo, tapi hitupa nekitamo mataku.”

Roma 8:3

Atura agama ledo namala mombakabasaka kita lako ri kuasa dosa sabana kita manusia ledo nompakule mangoseaka Atura haitu. Tapi anu ledo namala nipovia nu Atura agama, namala nipovia nu Alatala. NituduNa AnaNa mboto tumai ri dunia, bo AnaNa najadi manusia ante karo nasimbayu mpo karo nu manusia nadosa ala Ia mombarasai pehuku nu Alatala ri karoNa sabana dosata. Bo ante pohuku karo i Yesus, Alatala nombadagi kuasa nu dosa riara ntaita.

2 Korintus 5:21

I Kristus ledo ntoto nadosa. Tapi Alatala nompoposimbuaka ka Ia dosata bo nipoviaNa Ia mpo tona nadosa ala manjambei kita. Alatala novia haitu ala kita anu nosangu rara nte i Kristus majadi manoa ri panggitaNa.

Pompakita 11:13

Eva nisuka, ri tempo haitu muni najadimo lingu mbaso. Bo nageromo sabagia lako ri sapulu bagia ngata mbaso haitu, bo pitu-njobu tona namate sabana lingu mbaso haitu. Nanggita haitu naviora mpuumo rara ntona da natuvu ri sia, bo niulira, “Nambaso mpuu kuasa nu Alatala anu naria ri suruga!”