Yohanes 9:22 - Kaili Ledo

²² Tina tuamana nanguli ivesia sabana naekamo ira ka toFarisi. Apa toFarisi haitu nasintuvumo isema-sema mompangaku i Yesus Magau Topepakasalama anu nijanji nu Alatala, domo radekei metupu ri banua petupu.

Yohanes 9:22 ပူးပေါင်းရင်းမြစ်များ

Lukas 6:22

Nabelo mpuu komiu ane rapovuu mata ntona, rasuko ntona, rasalai ntona bo sangamiu rapakadaa ntona sabana komiu nangoseaka Yaku, Ana nu Manusia.

Yohanes 1:19

Pakeni-pakeni ntoYahudi ri ngata Yerusalem nantudu bara sako-ndua topanggeni pesomba bo toLewi hau nte i Yohanes Topediu mompekutana ia ivei: “Isema kakanana komiu tutu?”

Yohanes 16:2

Komiu domo radekei metupu ri banua petupu ntoYahudi. Bo makava tempona topompatesi komiu rasarumakara poviara haitu mompakadamba rara nu Alatala.

Yohanes 19:38

Naupu haitu, i Yusuf toArimatea hau nomperapi karobata i Yesus lako nte i Pilatus. I Yusuf haitu topangoseaka i Yesus, aga ledo nisani ntona sabana ia naeka ka pakeni ntoYahudi. Perapi i Yusuf haitu nipoiyo i Pilatus. Jadi haumo i Yusuf nantauraka karobata i Yesus lako ri kayu salib.

Yohanes 20:19

Ri eo Aka bongina, ana-anaguru i Yesus nasiromu ri sangu banua. Vamba nu banua haitu nigunji sabana ira naeka ka pakeni ntoYahudi. Sampesanika, neongamo i Yesus neangga ri tatangara, bo nanguli, “Kuperapi Alatala mompakatinonto raramiu!”

Yohanes 7:13

Tapi ledo ria saitoa tona nabia nanguli ri ngayo ntodea, sabana naeka ira ka pakeni-pakeni ntoYahudi.

Yohanes 9:18

Tapi ledo niparasaya ntoFarisi tona haitu mpuu-mpuu naburo bo dako nipopekita matana. Jadi nipokiora tina tuama ntoburo nipakabelo matana haitu

Yohanes 9:21

Tapi bara berimba sampe ia namala nekita sii-sii, ledo nisani kami. Bo ledo muni nisani kami bara isema nompakabelo matana. Aginamo ia mboto rapekutanamiu. Ia nambasomo. Ia mbotomo mamala mesanaka pompekutanamiu.”

Yohanes 9:34

Nesana ira, “Hih! Iko tu todosa mami lako ri pompoanaka! Ledo ntoto masipato iko mompatuduki kami!” Jadi nompamula lako ri eo haitu, domo nidekeira tona haitu metupu ri banua petupu.

Yohanes 9:35

Niepe i Yesusmo tona haitu domo radekei metupu ri banua petupu ntoYahudi, hau Ia mosinggavaka bo nipekutanaNa, “Berimbamo? Niparasayamu Ana nu Manusia?”

Suro-Suro 4:18

Naupu haitu nirondera mpanjili randua suro pangane bo niulikara, “Tumo motesa atau mompatuduki i Yesus ka tona!”

Suro-Suro 5:13

Tona ntanina anu ledo nomparasaya i Yesus ledo nabia nakava masiromu ante ira, tapi naupa ivesia, topomparasaya gahaitu mpuu-mpuu nipakaoge ntodea.

Suro-Suro 5:40

Bo nipokiora suro-suro mesua mpanjili. Nakava ri sia, suro-suro haitu niporo pade nitagi vai: “Tumo mompatuduki kareba i Yesus ka tona!” Naupu sia pade nikabasakamo.

Pompakita 21:8

Aga tona naeka mangoseaka Yaku, atau ledo niparasayana Yaku, bo tona nadaa pokaingguna, topepatesi, tona nokainggu nabuga, topedoti, tona nombasomba tupu-tupu ntanina, bo pura-pura topodava, ira pura-pura kana rahuku riara ntasi apu anu navaya ante vatu-vatu colonggata. Haitumo niuli kamatea karongganina.”