Yohanes 8:59 - Kaili Ledo

⁵⁹ Nangepe tesa i Yesus haitu, nangala vatumo toYahudi mombarempe Ia. Tapi Ia netinggalipo lako ri tatangara bo nalai lako ri Banua nu Alatala haitu.

Yohanes 8:59 ပူးပေါင်းရင်းမြစ်များ

Matius 12:14

Tapi toFarisi pangane nompalaisi banua petupu bo nolibu mangelo dala mompatesi i Yesus.

Lukas 24:31

Damo rahaitu pade nanoto rarara bo nisanira, Iamo i Yesus. Naupu haitu, napaya ri belaNamo, domo ria nikitara i Yesus.

Yohanes 11:54

Sabana haitu, i Yesus domo noliu ri ngata-ngata ntoYahudi, ala domo rakita ntona. Tapi nalai Ia lako ri bagia Yudea hau ri ngata Efraim napara karava bai. Bo naroo hamai nosanggani-nggani ante anaguruNa.

Yohanes 11:8

Nesana anaguruNa, “Guru, dopa nasae toYahudi hamai madota mombarempe Komiu ante vatu sampe mamate. Nuapa sabana sii-sii Komiu madota hau vai?”

Yohanes 12:36

Parasayamo Yaku kamba da naria nosanggani-nggani ante komiu nompakareme dunia ala komiu batena matuvu riara reme.” Naupu i Yesus notesa ivesia, nalaimo Ia lako nte todea bo domo nadota Ia rakitara.

Yohanes 18:31

Nanguli i Pilatus ka ira, “Alamiumo Ia, bo ratangaramiu mbotomo salaNa nangoseaka atura-atura agamamiu!” Tapi nesana pakeni ntoYahudi haitu, “Ledo ria kuasa kami mombahuku mate tona.”

Yohanes 5:13

Tapi tona dako nipakabelo haitu, ledo nisanina isema nompakabelo ia, sabana i Yesus netinggalipomo ri tatanga ntodea haitu.

Yohanes 9:1

Tempo i Yesus noliu, nikitaNa saito tona naburo mami lako ri pompoanaka.

Suro-Suro 7:57

Nangepe haitu, toPolibu Mbaso nongare-ngare bo nombaramu talingara ala domo raepera hanupa tesa i Stefanus. Nangova puramo ira hau mombasaka i Stefanus.