Yohanes 8:52 - Kaili Ledo

⁵² Nangepe haitu nanguli toYahudi ka i Yesus, “Hitupa nisani kamimo nipesua nu seta mpuumo Iko! I Abraham bo nabi-nabi nggaulu namate puramo. Tapi panguliMu, isema-sema nangoseaka tesaMu ledo mamate sampe ri kasae-saena!

Yohanes 8:52 ပူးပေါင်းရင်းမြစ်များ

Matius 11:18

Ivesia muni najadi nte kami bo i Yohanes. I Yohanes nakava, nopuasa bo ledo nanginu uve anggur, bo niuli ntona ia nipesua nu seta!

Yohanes 1:19

Pakeni-pakeni ntoYahudi ri ngata Yerusalem nantudu bara sako-ndua topanggeni pesomba bo toLewi hau nte i Yohanes Topediu mompekutana ia ivei: “Isema kakanana komiu tutu?”

Yohanes 14:23

Nesana i Yesus, “Isema-sema nompotove Yaku raoseakana tesaKu. Bo TuamaKu mompotove ia bo Yaku ante TuamaKu makava monturo mosanggani-nggani ante ia.

Yohanes 15:20

Toramo tesa niuliKumo ka komiu: batua ledo naogepa pade madikana. Ane Yaku nipandasara, natantumo komiu muni rapandasara. Ane nioseakara pepatudukiKu, natantumo raoseakara muni pepatudukimiu.

Yohanes 17:6

“Tata, nipopaisaniKumo Komiu ka tona nidekeiMiu ka Yaku lako ri dunia hitu. Ira todeaMiu mami, bo ira nidekeiMiu muni ka Yaku. Nioseakaramo tesaMiu

Yohanes 7:20

Nesanamo tona dea haitu, “Iko nipesua nu seta! Isema nompasimbuku mompatesi Iko?”

Yohanes 8:22

Nangepe haitu, nosiulikamo pakeni ntoYahudi, “Bara Ia mopatuju mompatesi karoNa mboto, sabana niuliNa kita ledo mamala hau ri ponturo rakalauNa.”

Yohanes 8:48

Nangepe tesa haitu, nangulimo toYahudi ka i Yesus, “Hm! Nakana mpuu niuli kami! Iko nipesua nu seta! Iko nasimbayu mpo toSamaria naruto!”

Yohanes 8:51

Pariaramo tesaKu hitu. Isema-sema mangoseaka tesaKu ledo mamate sampe ri kasae-saena.”

Yohanes 8:55

nau komiu ledo nosisani ante Ia. Tapi Yaku nosisani belo ante Ia. Ane rapana Kuuli Yaku ledo nosisani ante Ia, tantu Yaku majadi topodava nasimbayu mpo komiu. Tapi Yaku mpuu-mpuu nosisani ante Ia bo Yaku natutu nangoseaka tesaNa.

Yohanes 9:24

Naupu haitu, nipokiora vai sangganipa toburo haitu bo nipekutanara, “Ulimo anu nakana ri ngayo nu Alatala! Nisani kamimo tona nompakabelo matamu haitu tona nadosa!”

Ibrani 11:13

Ira pura-pura pangane batena nomparasaya sampe namate, nau ledo nitarimara mboto anu nijanji nu Alatala. Namala raulita nikitara nggavao kadupana. Nisanira kadupana da masaepa, tapi naupa ivesia nadamba rarara bo ledo nonggai rarara nantongoraka kadupana pojanji nu Alatala. Niulira dunia hitu ledo ponturora nakana, ira aga topesovo bo topanjayo ri dunia hitu.

Ibrani 2:9

Tapi nikitata i Yesus nakuasa! Ia niparitambe sampalai lako ri malaeka nasimbayu mpo manusia ala Ia rapatesi mombasambei pura-pura manusia. Haitu nipoviaNa sabana Alatala nompotove kita. Bo sii-sii Alatala nompakaoge Ia bo nidekeiNa ka Ia nturo nibila sabana Ia nombarasai susa bo pari sampe namate.