Yohanes 8:48 - Kaili Ledo

⁴⁸ Nangepe tesa haitu, nangulimo toYahudi ka i Yesus, “Hm! Nakana mpuu niuli kami! Iko nipesua nu seta! Iko nasimbayu mpo toSamaria naruto!”

Yohanes 8:48 ပူးပေါင်းရင်းမြစ်များ

Matius 10:25

Kana maosa rara anaguru ane ia manjava guruna bo kana maosa rara batua manjava madikana. Iyapa Yaku Gurumiu, niuli ntona i Beelzebul, Magau nu Seta, nemopa komiu anu najadi ana-ana riara banuaKu. Komiu muni kana rasalaira.”

Matius 10:5

Ira sapulu randua nisuro i Yesus hau manggeni Kareba Belo bo nitevaiNa ivei: “Nee hau ri ngata-ngata ntona ledo toYahudi bara ngata-ngata ntoSamaria.

Matius 11:18

Ivesia muni najadi nte kami bo i Yohanes. I Yohanes nakava, nopuasa bo ledo nanginu uve anggur, bo niuli ntona ia nipesua nu seta!

Matius 12:24

Tapi tempo toFarisi nangepe tesa ntodea haitu, nesana ira, “Bai! Kuasa ntona haitu lako nte i Beelzebul, Magau nu Seta. Haitu sampe Ia nakuasa nompopalai seta-seta.”

Matius 12:31

Jadi Kuuli ka komiu, pura-pura dosa bo tesa nesalai mamala raampungi. Tapi isema-sema nombasalai Nosa Gasa nu Alatala ledo ntoto raampungi.

Matius 15:7

Komiu tano aga tona nabelo ri sumba! Nakana ntotomo Tesa nu Alatala anu nipasimbayu Nabi Yesaya nggaulu ivei:

Yohanes 1:19

Pakeni-pakeni ntoYahudi ri ngata Yerusalem nantudu bara sako-ndua topanggeni pesomba bo toLewi hau nte i Yohanes Topediu mompekutana ia ivei: “Isema kakanana komiu tutu?”

Yohanes 10:20

Nadea ira nanguli, “Ia haitu nipesua nu seta! Nagila ntotomo Ia! Rapokuya raepeta tesaNa?”

Yohanes 13:13

Niulimiu Yaku Gurumiu bo Tupumiu, bo tesamiu haitu nakana, sabana Yaku mpuu-mpuu Gurumiu bo Tupumiu.

Yohanes 4:9

Nanguli mombine toSamaria haitu ka Ia, “Ha! Komiu tu toYahudi, yaku hii toSamaria. Berimba sampe Komiu merapi uve inu lako nte yaku?” Niulina ivesia sabana nabiasa toYahudi ledo nosimpokono ada ante toSamaria.

Yohanes 7:20

Nesanamo tona dea haitu, “Iko nipesua nu seta! Isema nompasimbuku mompatesi Iko?”

Yohanes 8:22

Nangepe haitu, nosiulikamo pakeni ntoYahudi, “Bara Ia mopatuju mompatesi karoNa mboto, sabana niuliNa kita ledo mamala hau ri ponturo rakalauNa.”

Yohanes 8:52

Nangepe haitu nanguli toYahudi ka i Yesus, “Hitupa nisani kamimo nipesua nu seta mpuumo Iko! I Abraham bo nabi-nabi nggaulu namate puramo. Tapi panguliMu, isema-sema nangoseaka tesaMu ledo mamate sampe ri kasae-saena!

Roma 15:3

Apa i Kristus muni ledo aga nangelo kasana nu raraNa mboto, tapi Ia nompasimbuku nompakasana rara nu Alatala nau nisalai ntona. Riara Buku Gasa naria tesa nombaboto anu rauli i Yesus ivei: <>

Ibrani 13:13

Sabana haitu, kita kana mesuvu hau nte Ia ri savaliku ngata, nasadia rasalai nosanggani-nggani nte Ia. Batuana, kita kana mombakabasaka anu nioseakata nggaulu bo aga momparasaya i Yesus, nau bara isema manjalai kita.

Yakobus 2:19

Komiu nomparasaya aga saito Alatala. Haitu nabelo, tapi seta-seta muni nomparasaya Alatala aga saito bo ira nolete naviora!