Yohanes 8:46 - Kaili Ledo

⁴⁶ Coba popakita ka Yaku dosaKu! Nakana anu nitesaKu, jadi nakuya ledo niparasayamiu?

Yohanes 8:46 ပူးပေါင်းရင်းမြစ်များ

Matius 21:25

Uli ka Yaku, isema nombadekei kuasa ka i Yohanes mombadiu tona? Alatala atau manusia?” Jadi nosiulikamo pakeni ntoYahudi, “Berimba kita mesana ka Ia? Ane raulita i Yohanes nombadiu ante kuasa lako nte Alatala, rauliNa vai ka kita, ‘Ane ivesia, nakuya ledo niparasayamiu i Yohanes?’

Markus 11:31

Jadi nosiulikamo ira, <

Yohanes 14:30

Domo madea tesa Kuuli ka komiu, sabana gantanamo Magau nu Seta makava. Ia nombakuasai tona nadaa ri dunia hitu tapi ia ledo nakuasa momparenta Yaku.

Yohanes 15:10

Ane raoseakamiu parenta-parentaKu, komiu bate-batena mombarasai pepotoveKu, nasimbayu mpo Yaku muni nangoseaka parenta nTuamaKu bo bate-batena nombarasai pepotoveNa.

Yohanes 16:8

Ane makava Topetulungi, Ia mompakalanto batuana dosa ka manusia ri dunia. Bo rapakalantoNa muni batuana anu nanoa, bo batuana pehuku nu Alatala.

Yohanes 18:37

Bo nekutana vaimo i Pilatus, “Ane ivesia tano, magau mpuu Iko?” Nesanamo i Yesus, “Nakana niulimiu tutu tu, Yaku hii magau. Yaku tumai nipoanaka ri dunia ante patuju mompopaisani anu nakana. Isema-sema nompotove anu nakana, rapariarana tesaKu.”

Yohanes 8:47

Tona nopuna lako nte Alatala mompariara tesa nu Alatala. Tapi komiu ledo nompariara tesaNa sabana komiu ledo nopuna lako nte Alatala.”

Yohanes 8:7

Tapi ledo nenonto ira nompekutana-tana. Jadi kaupuna niumbaraka i Yesusmo balenggaNa bo nanguli, “Isema-sema komiu ledo nadosa, iamo mokolu mombarempe mombine hitu ante vatu.”

2 Korintus 5:21

I Kristus ledo ntoto nadosa. Tapi Alatala nompoposimbuaka ka Ia dosata bo nipoviaNa Ia mpo tona nadosa ala manjambei kita. Alatala novia haitu ala kita anu nosangu rara nte i Kristus majadi manoa ri panggitaNa.

Ibrani 4:15

Ia Pakeni nTopanggeni Pesomba anu nangisani kalenteta, sabana Ia mboto nombarasai mpengaya pesori nasimbayu mpo kita, tapi Ia ledo novia dosa.

Ibrani 7:26

Jadi i Yesusmo Pakeni nTopanggeni Pesomba anu nompakule nombatulungi kita. Ia nagasa, ledo ntoto ria salaNa atau dosaNa. Ia nitaniaka lako ri tona nadosa, bo Ia nioretaka sampe ri ponturo nalangapa pade pura-pura anu naria ri langi, haitumo ri suruga.

1 Petrus 2:22

Ia ledo sanggania novia dosa, ledo sanggania Ia nodava.