Yohanes 8:37 - Kaili Ledo

³⁷ NisaniKu komiu pura-pura muli i Abraham. Tapi nau damo ivesia, komiu madota mompatesi Yaku, sabana ledo nipokonomiu mantarima pepatudukiKu.

Yohanes 8:37 ပူးပေါင်းရင်းမြစ်များ

Matius 13:15

Sabana tona gahaitu nakaa bagara, bo ira aga netibongo, bo matara nipiriramo. Ane ledo nipoviara ivehaitu rakita nu matara anu najadi, raepe ntalingara bo rasanira batuana, rapahara anu nakana bo manjili nte Yaku, ala Kupakabelo ira.’ ” Yesaya 6:9-10

Matius 3:9

Nee rapekirimiu, ‘Kami hii muli i Abraham. Pehuku nu Alatala ledo rapambela ka kami.’ Haitu ledo muni nakana! Kuuli ka komiu, ane Alatala madota, nau vatu-vatu hitu mamala rapajadiNa muli i Abraham.

Yohanes 10:31

Nangepe tesaNa haitu, niala ntoYahudimo vatu raporempera i Yesus.

Yohanes 11:53

Jadi nompamula lako ri eo haitu, pakeni ntoYahudi nasintuvumo mompatesi i Yesus.

Yohanes 5:44

Berimbamo komiu mamala momparasaya Yaku? Apa komiu aga madota rabila nu roa. Ledo nipasimbukumiu manggava pebila nu Alatala Saito-itoNa!

Yohanes 7:1

Naupu haitu, i Yesus hau nompesayo ngata-ngata ri bagia Galilea. Domo nadota Ia hau ri bagia Yudea sabana pakeni-pakeni ntoYahudi hamai da nangelo dala mompatesi Ia.

Yohanes 7:19

Nabi Musa nombadekei ka komiu Atura-atura agama nggaulu, tapi ledo ria saitoa komiu natutu nangoseaka Atura-atura haitu. Ane ledo nakana tesaKu hitu, nakuya komiu nompasimbuku mompatesi Yaku?”

Yohanes 7:25

Naupu haitu naria bara sako-ndua toYerusalem nanguli, “Ledo Ia hitumo tona nielo nu pakeni-pakeni ala rapatesira?

Yohanes 8:33

Nesana pakeni ntoYahudi, “Kami hii muli i Abraham. Dopa sanggania kami nipobatua ntona. Berimba bo niuliMiu kami domo rapobatua?”

Yohanes 8:43

Natantumo ledo nipahamiu tesaKu sabana ledo nipokonomiu mantarima pepatudukiKu.

Yohanes 8:56

Totuamiu nggaulu i Abraham, nadamba mpuu rarana sabana nisanina rakitana Yaku makava. Nikitanamo bo nadamba mpuumo rarana.”

Yohanes 8:59

Nangepe tesa i Yesus haitu, nangala vatumo toYahudi mombarempe Ia. Tapi Ia netinggalipo lako ri tatangara bo nalai lako ri Banua nu Alatala haitu.

Yohanes 8:6

Patuju nu pompekutanara haitu mombatoliani tesa i Yesus ala mamala rapakasalara Ia. Tapi i Yesus ledo notingo. Ia aga notungga notulisi tana ante koya-mpaleNa.

Suro-Suro 13:26

I Paulus nompapola tesana ivei: “Sampesuvu-sampesuvu muli i Abraham bo sampesuvu-sampesuvu ntanina anu natundu nte Alatala. Alatala nompakatu ka kita kareba anu mompakalanto berimba Alatala mompakasalama kita.

Roma 9:7

Bo ledo muni pura-pura muli i Abraham nireke mulina mpuu, anu masipato mantarima belo nijanji nu Alatala. Apa Alatala nanguli ka i Abraham ivei: <>

1 Korintus 2:14

Tona nangoseaka dotana mboto bo ledo naria Nosa Gasa nu Alatala nte ia, ledo nitarimana pepatuduki lako nte Nosa Gasa sabana nirekena pepatuduki haitu aga tesa ntodoyo. Ledo nipakulena mombapaha batuana sabana pepatuduki haitu aga namala rapaha ntona ante pekeniaka Nosa Gasa.

1 Yohanes 2:14

Yaku notulisi hitu ka komiu, ngana-ngana, sabana komiu nosisanimo ante Tuamata, Alatala. Yaku notulisi hitu ka komiu, totua-totua, sabana komiu nosisanimo ante i Yesus anu naria lako ri lamba pamulana. Yaku notulisi hitu ka komiu, kabilasa bo randaa sabana pomparasayamiu narosomo. Nipariaramiumo Tesa nu Alatala, bo nidagimiumo Magau nu Seta.