Yohanes 8:28 - Kaili Ledo

²⁸ Haitu sampe niuliNa vai ka ira, “NiuliKu ka komiu isema Yaku. Bo maupu komiu manganggataka Yaku, Ana nu Manusia, ri kayu salib, tempo haitu pade rasanimiu tesaKu hitu nakana bo rasanimiu muni ledo ria sangayaa nipoviaKu nangoseaka dotaKu mboto. Tapi Yaku bate-batena notesa nangoseaka anu nipatuduki nTuamaKu ka Yaku.

Yohanes 8:28 ပူးပေါင်းရင်းမြစ်များ

Matius 24:5

Apa madea tona makava mompobalu sangaKu. Raulira, iramo Magau Topepakasalama anu nijanji nu Alatala! Bo madea tona rabagiura.

Markus 13:6

Madea tona makava mompobalu sangaKu. Raulira iramo Magau Topepakasalama! Bo madea tona rabagiura.

Lukas 21:8

Nesana i Yesus, “Pakabelo-belo! Nee sampe komiu rabagiu. Madea ngena tona makava mompobalu sangaKu. Raulira iramo ‘Magau Topepakasalama.’ Bo raulira muni, nakavamo kaupu nu dunia! Tapi nee raoseakamiu tesara.

Yohanes 11:42

NisaniKu Komiu bate-batena nangepe posambayaKu, tapi niuliKu ivesia ala raepe ntona ri sii ala raparasayara Komiumo nombatudu Yaku tumai ri dunia.”

Yohanes 13:19

Dopame majadi anu haitu, Kuuli mami ka komiu ala tempo anu haitu majadi ngena, rasanimiu mpuu isema Yaku.

Yohanes 16:10

RapakalantoNa muni Yaku nanoa, sabana sii-sii Yaku hau nte TuamaKu bo domo rapeintamiu.

Yohanes 18:32

Haitu najadi mompakadupa tesa i Yesus tempo Ia notesa dala kamateNa.

Yohanes 19:18

Ri siamo i Yesus nipakura ri kayu salib. Ri tempo haitu naria muni randua tona ntanina nipaku ri kayu salibra, saito ri sabingga ngganaNa, saito ri sabingga njidiNa bo i Yesus ri tatangara.

Yohanes 3:11

Pariaramo tesaKu hitu. Kami hii notesa anu nisani kami, bo kami nanguli anu nikita kami mboto, tapi komiu pura-pura ledo nadota momparasaya tesa kami.

Yohanes 3:14

Nabi Musa nggaulu novia sanggayu ule tambaga ri karava bai bo nianggatakana pakalanga ri tinja sambesa ala isema-sema mantingoa ule haitu ledo mamate. Yaku, Ana nu Manusia kana raanggataka pakalanga, nasimbayu mpo ule haitu,

Yohanes 4:26

Nanguli i Yesus ka mombine haitu, “Yaku anu notesa ka iko hitu-hitu, Yakumo tona niulimu tutu.”

Yohanes 5:19

Jadi nanguli i Yesus ka pakeni ntoYahudi haitu, “Pariaramo tesaKu hitu. Yaku ledo mamala movia nuapa-nuapa nangoseaka dotaKu mboto, tapi anu nikitaKu lako nte TuamaKu, haitumo nipoviaKu. Nuapa-nuapa nipovia nTuamaKu, haitu muni Kupovia.

Yohanes 5:30

Bo nanguli munimo i Yesus ka pakeni-pakeni ntoYahudi, “Yaku ledo namala novia nuapa-nuapa nangoseaka dotaKu mboto. Yaku nombatangara nangoseaka anu niepeKu lako nte TuamaKu. PotangaraKu nanoa apa Yaku ledo nangoseaka dotaKu mboto tapi aga dota nTuamaKu anu nombatudu Yaku.

Yohanes 6:38

Apa Yaku nanau lako ri suruga, ledo movia dotaKu mboto, tapi movia anu nipodota nu Alatala anu nantudu Yaku.

Yohanes 8:24

Haitu sampe niuliKu ka komiu, komiu mamate bo rapopogaa lako nte Alatala sabana dosamiu. NiuliKumo isema Yaku. Ane ledo raparasayamiu tesaKu haitu, komiu mpuu-mpuu mamate bo rapopogaa lako nte Alatala sabana dosamiu.”

Yohanes 8:27

Ledo nisanira i Yesus notesaki TuamaNa ri suruga.

Yohanes 8:58

Nesanamo i Yesus, “Pariaramo tesaKu. Dopame i Abraham nipoanaka, naria mamimo Yaku!”

Suro-Suro 2:41

Naupu nangepe tesa i Petrus, nantambaimo kadea ntona nomparasaya i Yesus, bo ira nidiu, tandana ira topangoseaka Ia. Bo ri eo haitu tona nomparasaya i Yesus natetambai talu-njobu kadeana.

Suro-Suro 4:4

Tapi topangepe pepatuduki nu suro-suro pangane, nadeamo nomparasaya i Yesus. Jadi kadea ntopomparasaya i Yesus nantambai sampe nitasere lima-njobu tonana.