Yohanes 8:20 - Kaili Ledo

²⁰ Tesa i Yesus haitu nitesaNa ri doyata Banua nu Alatala tempo Ia nompatuduki tona napara peti pomboli doi pesomba. Ledo ria saitoa tona namala mombasaka Ia sabana dopa nakava tempoNa.

Yohanes 8:20 ပူးပေါင်းရင်းမြစ်များ

Matius 26:55

Pade nanguli i Yesus ka todea ri sia, “Berimbamo? Yaku hii topeago sampe komiu kana tumai ante guma bo pato mombasaka Yaku? Eo-eo Yaku nonturo nompaguru ri doyata Banua nu Alatala, tapi ledo nisakamiu Yaku!

Matius 27:6

Balengga-balengga ntopanggeni pesomba nantidurunaka doi haitu bo nanguli, “Doi hitu doi nisulaka raa. Nantuntuni atura agamata, doi eva hitu ledo namala rapake ri Banua nu Alatala.”

Markus 12:41

I Yesus hau nonturo nantingayo peti pomboli doi pedekei ri doyata Banua nu Alatala. NipariaraNa tona nombasuaraka doira riara peti haitu. Nadea tokalumana nombasuaraka doi dea riara mpeti haitu.

Markus 12:43

Pade nironde i Yesusmo anaguruNa, bo niulikaNa, <

Lukas 20:19

Nisani nu guru-guru agama bo balengga-balengga ntopanggeni pesomba, porapa haitu nipambela i Yesus ka ira. Sabana haitu, naoge rarara mombasaka i Yesus tempo haitu muni, tapi naeka ira ka todea.

Lukas 21:1

Tempo i Yesus da ri Banua nu Alatala, nikitaNa tona nakalumana nombasuaraka doira ri peti pomboli doi pedekei.

Yohanes 10:39

Nangepe haitu, pakeni ntoYahudi nompasimbuku vaimo mombasaka i Yesus, tapi nalaimo Ia.

Yohanes 2:4

Nanguli i Yesus ka tinaNa, “Ina, nakuya niulimiu ka Yaku? Dopa nakava tempona Yaku mompopakita kuasaKu.”

Yohanes 7:14

Nagantanga posusa haitu pade nesua i Yesus hau ri doyata Banua nu Alatala bo nompamulamo nompatuduki tona.

Yohanes 7:30

Nangepe haitu, nipasimbukura mombasaka Ia. Tapi ledo ria saitoa nompakule nombasakaNa sabana dopa nakava tempona nipakatantu nu Alatala.

Yohanes 7:44

Naria bara sako-ndua ira madota mombasaka Ia, tapi ledo ria saitoa nabia nanggangisiNa.

Yohanes 7:8

Koimo komiu ri posusa haitu. Yaku dopa hau, sabana dopa nakava tempoKu.”

Yohanes 8:2

Kamaile bobayana, hau vaimo Ia nesua ri doyata Banua nu Alatala, bo nakavamo todea nasiromu nte Ia. Nonturomo Ia bo nompatuduki ira.

Yohanes 8:59

Nangepe tesa i Yesus haitu, nangala vatumo toYahudi mombarempe Ia. Tapi Ia netinggalipo lako ri tatangara bo nalai lako ri Banua nu Alatala haitu.