Yohanes 8:19 - Kaili Ledo

¹⁹ Bo nekutana vaimo ira, “Ri umba TuamaMu?” Nesana i Yesus, “Ledo nisanimiu mpuu Yaku. Bo ledo muni nisanimiu mpuu TuamaKu. Ane rapana nisanimiu mpuu Yaku, natantu rasanimiu mpuu TuamaKu.”

Yohanes 8:19 ပူးပေါင်းရင်းမြစ်များ

Matius 11:25

Tempo haitu nosambayamo i Yesus. NiuliNa, “Tata, Komiumo Tupu nu langi bo tana. Yaku nosukuru nte Komiu sabana nipopaisaniMiu pura-pura anu pangane ka tona ledo natau. Tapi nitabuniakaMiu ka tona nangisani bo tona napande,

Yohanes 1:10

Tesa nu Alatala naria mamimo ri dunia, tapi nau Ia nipopale nu Alatala nompajadi dunia, manusia ri dunia ledo nadota nangisaniNa.

Yohanes 1:18

Dopa naria saitoa tona nanggita Alatala. Tapi AnaNa saito-itona anu nasimbayu nte Alatala bo narapa nte Ia, Iamo nompopaisani Alatala ka kita.

Yohanes 15:21

Pura-pura haitu rapoviara ka komiu sabana komiu najadi topangoseaka Yaku, apa ledo nisanira mpuu Alatala anu nantudu Yaku.

Yohanes 16:3

Rapoviara ivesia ka komiu sabana ira ledo nosisani ante TuamaKu bo ledo muni nosisani nte Yaku.

Yohanes 17:3

Iveimo sampe manusia matuvu mabelo sampe ri kasae-saena: ira mosisani nte Komiu, Alatala aga saito-itoMiu nakana, bo ira mosisani muni ante Yaku, i Yesus Kristus, anu nituduMiu.

Yohanes 7:28

Jadi tempo i Yesus da nompatuduki ri doyata Banua nu Alatala, nitesaNa ante suaraNa namangga, “Nisanimiu tano isema Yaku bo lako ri umba kakavaKu? Yaku ledo nakava nangoseaka dotaKu mboto, tapi Yaku nakava nangoseaka dota nu Alatala anu nombatudu Yaku. Iamo masipato raparasaya. Ledo ntoto nisanimiu Ia,

1 Korintus 15:34

Jadi pakanoto mpanjili pekirimiu bo tumo rapovia dosa! Da nariapa sanu komiu dopa nosisani belo nte Alatala. Niuliku ivesia ala maeya matamiu.

Galatia 4:9

Tapi sii-sii nisanimiumo Alatala—atau nabelopa rauli, nisani nu Alatala komiu. Jadi nakuya komiu madota matundu mpanjili nte anu ledo nompakule mantulungi komiu majadi manoa ri panggita nu Alatala? Nakuya komiu madota rapobatuara mpanjili?

Efesus 1:17

Yaku nekakai nte Tuamata Alatala anu nakuasa bo naoge, anu nisomba nTuputa Yesus Kristus. Yaku nerapi ala Ia mombadekei Nosa GasaNa ka komiu. Bo Nosa Gasa mompakanoto raramiu bo mompopaisani Alatala ka komiu sampe komiu mpuu-mpuu mosisani belo ante Alatala.

Kolose 1:10

Ane rasanimiu dota nu Alatala ka komiu, mamala komiu matuvu ante pokainggu masipato ka topomparasaya i Pue, bo pura-pura inggumiu mompakadamba raraNa. Komiu mompakule movia mpengaya-ngaya anu nabelo, bo posisanimiu ante Alatala mantambai munimo.

Kolose 1:15

Alatala ledo nikita. Tapi ane nisanita inggu bo kuasa nu AnaNa, nisanita muni inggu bo kuasa nu Alatala. Namala raulita AnaNa haitu Lumbua, haitumo kuasaNa nelabipa pade pura-pura anu nipajadi nu Alatala.

Ibrani 1:3

AnaNa haitu nompopakita kuasa bo kaoge nu Alatala, bo Ia nasimbayu nte Alatala. Iamo nombakuasai bo nompiara mpengaya-ngaya ri dunia ante tesaNa nakuasa. Naupu Ia nombakabasaka manusia lako ri dosa, Ia nonturo ri ponturo magau ri suruga ri panggana nu Alatala toNeliu KaogeNa.

1 Yohanes 2:23

Isema-sema nombasapu Ana nu Alatala, nisapuna muni TuamaNa Alatala. Tapi isema-sema nomparasaya Ana nu Alatala, nitarimana muni Alatala.

1 Yohanes 5:20

Nisanita muni i Yesus, Ana nu Alatala, nakava ri dunia hitu mompakanoto rarata ala kita mamala mosisani belo ante Alatala anu nakana. Kita natuvu nosangu rara nte Alatala anu nakana sabana kita natuvu nosangu rara nte AnaNa, i Yesus. Iamo Alatala anu nakana bo Iamo nombadekei katuvua nabelo sampe ri kasae-saena.

2 Yohanes 1:9

Isema-sema nasalandala lako ri pepatuduki nakana bo ledo nioseakana pepatuduki i Kristus, ia ledo nosangu rara nte Alatala. Tapi isema-sema naroo nangoseaka pepatuduki i Kristus, ia nosangu rara nte Tuamata Alatala bo i Yesus, Ana nu Alatala.