Yohanes 8:17 - Kaili Ledo

¹⁷ Riara Atura-atura agama naria nitulisi ivei: ‘Ane maria randua sabi masimbayu tesara riara potangara, tesara namala raparasaya.’

Yohanes 8:17 ပူးပေါင်းရင်းမြစ်များ

Matius 18:16

Tapi ane ledo madota ia mantarima tesamiu, keni saito atau randua tona ntanina majadi sabi ntesamiu ante ia. Povia ivesia sabana riara Buku Gasa nitulisi ivei: ‘Ane maria tona rapangadu, kana maria randua atau tatalu sabi ala malanto ia mpuu-mpuu nasala.’ Ulangan 19:15

Yohanes 10:34

Nesana i Yesus, “Riara Atura-atura agamamiu, naria tesa nu Alatala ka pakeni ntoYahudi nggaulu nitulisi ivei: ‘Komiu pura-pura ana-ana nu Alatala.’

Yohanes 15:25

Haitu najadi ala madupa tesa nitulisi riara Buku Gasa ivei: ‘Ira navuu matara nanggita Yaku nau ledo naria sabana.’

2 Korintus 13:1

Katalu-ngganikana hitu yaku makava nte komiu. Tempo yaku ri situ nte komiu karongganina bara ipia, nipopatoraku ka ira topovia dosa bo ka pura-pura tona ntanina, tumo rapovia dosa. Jadi hitupa nau yaku ledo ri situ nte komiu, kupopatora mpanjili ka komiu: tumo mpuu movia dosa! Riara Buku Gasa niuli ane maria tona nirai, kana maria randua atau tatalu sabi ala rasani kakanana, bara nasala ia bara ledo. Maupu sia pade mamala rahuku. Ane makava ri situ yaku bo komiu dopa nenonto novia nadaa, domo maasi mataku nanggita komiu tapi kuhuku mpuu!

Galatia 3:24

Jadi Atura agama haitu nirapaka topopaa ngana anu nombajagai kita sampe makava i Yesus Kristus, ala kita majadi manoa ri panggita nu Alatala sabana pomparasayata i Kristus.

Galatia 4:21

Hee komiu anu madota matundu nte Atura agama ala majadi manoa ri panggita nu Alatala! Mai kuuli ka komiu anu nitulisi riara Buku Atura Agama!

Ibrani 10:28

Isema-sema nombasapuaka Atura-atura agama nipapola Nabi Musa nggaulu, ane naria randua bara tatalu sabi nanguli ia nasala, ia nihuku mate bo ledo ria ampu.

1 Yohanes 5:9

Ane ri potangara, kita nomparasaya posabi manusia. Tapi posabi nu Alatala narosopa pade posabi manusia, bo Ia mboto nosabi nompakatantu i Yesusmo AnaNa.

Pompakita 11:3

Tempona haitu Kusuro randua tona mompasimbayu tesaKu. Ira mompake baju nipovia lako ri karu mpo tona nasusa rarana, bo ira mompasimbayu tesaKu talu-mpae santanga kasaena.”