Yohanes 8:15 - Kaili Ledo

¹⁵ Komiu nompakasala tona nangoseaka pompekirimiu mboto. Yaku ledo nompakasala tona.

Yohanes 8:15 ပူးပေါင်းရင်းမြစ်များ

Lukas 12:14

Nesanamo i Yesus, “Sampesuvu, isema nanganggataka Yaku majadi topobagi kakalumana ka komiu?”

Yohanes 12:47

Ane maria tona mangepe tesaKu tapi ledo raoseakana tesa haitu, ledo Yaku mombahuku ia. Apa Yaku nakava ri dunia hitu, ledo mombahuku manusia, tapi mompakasalama manusia.

Yohanes 18:36

Nesana i Yesus, “PoparentaKu ledo nopuna lako ri dunia hitu. Ane rapana Yaku masimbayu nte magau lako ri dunia hitu, natantumo topangoseaka Yaku kana meeva ala Yaku ledo rasaka bo rakeni ka pakeni-pakeni ntoYahudi. Tapi poparentaKu ledo nopuna lako ri dunia hitu.”

Yohanes 3:17

Apa patuju nu Alatala nombatudu AnaNa makava ri dunia hitu, ledo ala mombahuku manusia tapi ala ira rapakasalamaNa.

Yohanes 7:24

Nee mompakasala tona nangoseaka anu nikita matamiu, tapi nangoseaka kanoana!”

Yohanes 8:11

Nesana mombine haitu, “Domo ria, Pue.” Nanguli i Yesus, “Yaku muni ledo mombahuku iko. Panjilimo bo tumo rapovia dosa.”

Roma 2:1

Jadi sampesuvu-sampesuvu, ane komiu nompakasala tona ntanina, ledo mamala raulimiu <> Apa pokainggumiu mboto nasimbayu nte pokainggura. Jadi ane komiu nompakasala tona ntanina, batuana komiu nompakasala karomiu mboto.

1 Korintus 2:15

Tona naria Nosa Gasa nu Alatala nte ia, nompakule nomparesa bo nompaha mpengaya-ngaya. Tapi tona ledo naria Nosa Gasa nte ia, ledo nompakule mombapaha pekiri ntona naria Nosa Gasa.

2 Korintus 5:16

Jadi haitumo sabana kami domo nombareke tona bara nabelo bara nadaa nangoseaka pekiri manusia. Bara ipia ivesia mami kami nombareke i Kristus, tapi hitupa domo.

Yakobus 2:4

Batuana komiu nompoposisala singgamanusiamiu bo najadi topotangara anu nadaa pekirina.