Yohanes 7:45 - Kaili Ledo

⁴⁵ Naupu sia, topojaga Banua nu Alatala anu nitudu mombasaka i Yesus pangane, nanjili hau nte toFarisi bo balengga-balengga ntopanggeni pesomba. Nakava hamai, toFarisi bo balengga-balengga haitu nanguli ka ira, “Nakuya ledo nikenimiu tona haitu tumai?”

Yohanes 7:45 ပူးပေါင်းရင်းမြစ်များ

Matius 26:58

I Petrus netuntuni nggavao lako ri puri, sampe nakava ri doyata nu banua Pakeni nTopanggeni Pesomba. Nakava hamai, nesuamo ia rara doyata bo nonturo nosanggani-nggani ante topojaga-topojaga ala rasanina nuapa majadi ante i Yesus.

Yohanes 11:46

Tapi naria muni sanu hau nte toFarisi nombatesa ka ira anu nipovia i Yesus.

Yohanes 11:47

Jadi balengga-balengga ntopanggeni pesomba bo toFarisi nompasiromu toPolibu Mbaso Agama Yahudi. Niulira ka topolibu anu nasiromu haitu, “Nuapa masipato rapoviata? Nadea mpuu kabaraka nipovia ntona haitu.

Yohanes 7:32

ToFarisi nangepe todea nanggalivaya notesa i Yesus. Haitumo sabana ira bo balengga-balengga ntopanggeni pesomba ntoYahudi nantudu bara sako-ndua topojaga Banua nu Alatala hau mombasaka i Yesus.

Yohanes 9:22

Tina tuamana nanguli ivesia sabana naekamo ira ka toFarisi. Apa toFarisi haitu nasintuvumo isema-sema mompangaku i Yesus Magau Topepakasalama anu nijanji nu Alatala, domo radekei metupu ri banua petupu.