Yohanes 7:30 - Kaili Ledo

³⁰ Nangepe haitu, nipasimbukura mombasaka Ia. Tapi ledo ria saitoa nompakule nombasakaNa sabana dopa nakava tempona nipakatantu nu Alatala.

Yohanes 7:30 ပူးပေါင်းရင်းမြစ်များ

Matius 12:14

Tapi toFarisi pangane nompalaisi banua petupu bo nolibu mangelo dala mompatesi i Yesus.

Matius 21:46

Jadi nipasimbukura mombasaka i Yesus. Tapi naeka ira magado todea apa nangoseaka panggava ntodea i Yesus haitu nabi.

Markus 11:18

Balengga-balengga ntopanggeni pesomba bo guru-guru agama nangepe anu najadi haitu. Jadi nieloramo dala mompatesi i Yesus. Naeka rarara nanggita Ia, sabana pura-pura tona nokumaa nangepe pepatudukiNa.

Lukas 20:19

Nisani nu guru-guru agama bo balengga-balengga ntopanggeni pesomba, porapa haitu nipambela i Yesus ka ira. Sabana haitu, naoge rarara mombasaka i Yesus tempo haitu muni, tapi naeka ira ka todea.

Lukas 22:53

Eo-eo Yaku naria nosanggani ante komiu ri Banua nu Alatala, tapi ledo nisakamiu Yaku. Damo bongina hitu pade nabia komiu nakava mombasaka Yaku. Hitumo logamiu, loga nu Magau Seta!”

Yohanes 10:31

Nangepe tesaNa haitu, niala ntoYahudimo vatu raporempera i Yesus.

Yohanes 10:39

Nangepe haitu, pakeni ntoYahudi nompasimbuku vaimo mombasaka i Yesus, tapi nalaimo Ia.

Yohanes 11:57

Tapi balengga-balengga ntopanggeni agama bo toFarisi lave niulira mami, “Isema-sema nangisani ponturo i Yesus, kana raulina ka kami ala Ia mamala rasaka!”

Yohanes 7:19

Nabi Musa nombadekei ka komiu Atura-atura agama nggaulu, tapi ledo ria saitoa komiu natutu nangoseaka Atura-atura haitu. Ane ledo nakana tesaKu hitu, nakuya komiu nompasimbuku mompatesi Yaku?”

Yohanes 7:32

ToFarisi nangepe todea nanggalivaya notesa i Yesus. Haitumo sabana ira bo balengga-balengga ntopanggeni pesomba ntoYahudi nantudu bara sako-ndua topojaga Banua nu Alatala hau mombasaka i Yesus.

Yohanes 7:6

Nesanamo i Yesus, “Dopa tempona Kupopakita karoKu. Ane komiu, ledo nompetempo ane maria loga hau,

Yohanes 7:8

Koimo komiu ri posusa haitu. Yaku dopa hau, sabana dopa nakava tempoKu.”

Yohanes 8:20

Tesa i Yesus haitu nitesaNa ri doyata Banua nu Alatala tempo Ia nompatuduki tona napara peti pomboli doi pesomba. Ledo ria saitoa tona namala mombasaka Ia sabana dopa nakava tempoNa.

Yohanes 8:37

NisaniKu komiu pura-pura muli i Abraham. Tapi nau damo ivesia, komiu madota mompatesi Yaku, sabana ledo nipokonomiu mantarima pepatudukiKu.

Yohanes 8:59

Nangepe tesa i Yesus haitu, nangala vatumo toYahudi mombarempe Ia. Tapi Ia netinggalipo lako ri tatangara bo nalai lako ri Banua nu Alatala haitu.

Yohanes 9:4

Ane da maeo, kita kana movia pokarajaa nu Alatala anu nantudu Yaku. Apa ane mabongimo domo mamala mokarajaa.