Yohanes 7:26 - Kaili Ledo

²⁶ Tapi peintamo! Ia notesa ri ngayo ntodea bo ledo ria saitoa tona nombabali tesaNa. Nee-nee bara nisani nu pakenita Iamo Magau Topepakasalama anu nijanji nu Alatala!

Yohanes 7:26 ပူးပေါင်းရင်းမြစ်များ

Matius 22:16

Nitudura bara sako-ndua ana-anagurura bo bara sako-ndua tona nosabingga nte Magau Herodes hau nte i Yesus bo manguli ivei: “Guru, nisani kamimo Komiu tona nanoa. Komiu nompatuduki pakalanto dota nu Alatala ka manusia. Komiu ledo naeka ante isema-sema sabana Komiu ledo nompelenje.

Lukas 23:13

Gubernur Pilatus nompasiromu balengga-balengga ntopanggeni pesomba, totua ngata, bo todea ntanina,

Lukas 7:30

Tapi toFarisi ante guru-guru agama ledo nadota nantarima nia nu Alatala ka ira. Ira ledo nadota radiu i Yohanes.

Yohanes 12:42

Naupa ivesia, nadea muni pakeni ntoYahudi nomparasaya i Yesus. Tapi ira aga nomparasaya nggalino sabana naeka ira nte toFarisi, nee-nee ira domo radekei metupu ri banua petupu.

Yohanes 18:20

Nesanamo i Yesus, “Yaku nasaro notovontoo notesa ri ngayo ntodea. Yaku nasaro notesa ri banua petupu bo ri Banua nu Alatala, ponturo nikasiromu ntoYahudi. Ledo ria sanggania nitabuniakaKu tesaKu.

Yohanes 3:1

Naria saito toFarisi nosanga i Nikodemus. Ia pakeni agama ntoYahudi.

Yohanes 4:29

“Kamaimo! Kita hau mompeinta langgai ria anu nombatesa ka yaku pura-pura anu nipoviaku. Bara suga Iamo Magau Topepakasalama anu nijanji nu Alatala.”

Yohanes 7:25

Naupu haitu naria bara sako-ndua toYerusalem nanguli, “Ledo Ia hitumo tona nielo nu pakeni-pakeni ala rapatesira?

Yohanes 7:31

Tapi nadea lako ri todea haitu nomparasaya Ia. Niulira, “Magau Topepakasalama mpuumo Ia, apa nadea mpuu kabaraka nipoviaNa!”

Yohanes 7:48

Peintamo! Ledo ntoto ria pakeni agama atau toFarisi nomparasaya Ia!

Yohanes 9:22

Tina tuamana nanguli ivesia sabana naekamo ira ka toFarisi. Apa toFarisi haitu nasintuvumo isema-sema mompangaku i Yesus Magau Topepakasalama anu nijanji nu Alatala, domo radekei metupu ri banua petupu.

Suro-Suro 4:13

Topolibu haitu nokumaa pura-pura nanggita kabia i Petrus bo i Yohanes notesa, nemopa nisanira randua suro haitu aga tona biasa anu ledo nosikola nalanga. Lako rahaitu nisanira mpuumo randua suro haitu nosamporoa nte i Yesus bara ipia.

Filipi 1:14

Bo deanapa sampesuvu sampomparasaya ri sii nantambai karoso pomparasayara i Pue Yesus, sabana nikitara Tupu nantulungi yaku ri tarunggu sampe domo naeka ira, tapi nantambaimo kabiara nompatolele Tesa nu Alatala.