Yohanes 7:1 - Kaili Ledo

¹ Naupu haitu, i Yesus hau nompesayo ngata-ngata ri bagia Galilea. Domo nadota Ia hau ri bagia Yudea sabana pakeni-pakeni ntoYahudi hamai da nangelo dala mompatesi Ia.

Yohanes 7:1 ပူးပေါင်းရင်းမြစ်များ

Matius 10:23

Ane komiu rapandasa ntona ri sangu ngata, palaimo hau ri ngata ntanina. Pariaramo tesaKu hitu. Yaku, Ana nu Manusia kana makava mpanjili dopame maupu rakenimiu Kareba Belo ka pura-pura ngata ri tana Israel.

Matius 21:38

Tapi tempo topokarajaa talua haitu nanggita ana ntupu ntalua tumai, nosiulikamo ira, ‘Eh! Tumaimo ana ntupu ntalua anu rakaboli mbara-mbara ntotuana. Anumo! Rapatesitamo ia ala talua hitu raalata majadi bagiata.’

Markus 11:18

Balengga-balengga ntopanggeni pesomba bo guru-guru agama nangepe anu najadi haitu. Jadi nieloramo dala mompatesi i Yesus. Naeka rarara nanggita Ia, sabana pura-pura tona nokumaa nangepe pepatudukiNa.

Yohanes 1:19

Pakeni-pakeni ntoYahudi ri ngata Yerusalem nantudu bara sako-ndua topanggeni pesomba bo toLewi hau nte i Yohanes Topediu mompekutana ia ivei: “Isema kakanana komiu tutu?”

Yohanes 4:3

Jadi nisanipa i Yesus niepe ntoFarisimo lelena haitu, nalaimo Ia lako ri bagia Yudea bo nanjili hau ri bagia Galilea.

Yohanes 4:54

Haitumo tanda karanduana nipokumaaka nipovia i Yesus tempo Ia nakava ri bagia Galilea lako ri bagia Yudea.

Yohanes 6:1

Naliu haitu, i Yesus hau nevote Rano Galilea, anu niuli muni Rano Tiberias.

Yohanes 7:11

Ri posusa haitu, pakeni-pakeni ntoYahudi nangelo Ia. Ira nekutana-tana, “Ri umba tano Ia?”

Yohanes 7:13

Tapi ledo ria saitoa tona nabia nanguli ri ngayo ntodea, sabana naeka ira ka pakeni-pakeni ntoYahudi.

Yohanes 7:19

Nabi Musa nombadekei ka komiu Atura-atura agama nggaulu, tapi ledo ria saitoa komiu natutu nangoseaka Atura-atura haitu. Ane ledo nakana tesaKu hitu, nakuya komiu nompasimbuku mompatesi Yaku?”

Yohanes 7:25

Naupu haitu naria bara sako-ndua toYerusalem nanguli, “Ledo Ia hitumo tona nielo nu pakeni-pakeni ala rapatesira?

Yohanes 7:35

Nangepe tesa i Yesus haitu, naingumo pakeni ntoYahudi. Nosimpekutanamo ira, “Hau ri umba tano Ia sampe ledo rakavata Ia? Bara hau nte toYahudi anu nonturo ri ngata-ngata ntona ledo toYahudi bo mompatuduki tona ledo toYahudi?

Yohanes 8:37

NisaniKu komiu pura-pura muli i Abraham. Tapi nau damo ivesia, komiu madota mompatesi Yaku, sabana ledo nipokonomiu mantarima pepatudukiKu.

Yohanes 8:40

Yaku nompasimbayu ka komiu pepatuduki nakana anu niepeKu lako nte Alatala, tapi komiu aga nompasimbuku mompatesi Yaku. Ledo ivesia pokainggu i Abraham!

Suro-Suro 10:38

Nisanimiu muni Alatala nompelisi i Yesus toNazaret bo nidekeiNa Nosa Gasa bo kuasa. Nisanimiu muni i Yesus hau ri umba-umba novia anu nabelo, bo nipakabeloNa pura-pura tona nipandasa Magau nu Seta sabana Alatala naria nte Ia.