Yohanes 6:70 - Kaili Ledo

⁷⁰ Nesana i Yesus, “Yaku mbotomo nompelisi komiu sapulu randua tutu. Tapi naupa ivesia, naria saito komiu nipopale nu Magau Seta!”

Yohanes 6:70 ပူးပေါင်းရင်းမြစ်များ

Yohanes 13:18

Anu niuliKu pangane ledo nambela komiu pura-pura. NisaniKu mamimo tona nipelisiKu, bo kana rapakadupa anu nitulisi riara Buku Gasa ivei: ‘Tona nangande nosanggani-nggani ante Yaku, iamo najadi baliKu.’

Yohanes 13:2

I Yesus bo ana-anaguruNa nonturo nangande nosinggani-nggani bo bongina haitu Magau nu Seta nesua ri pekiri i Yudas ana i Simon Iskariot ala mompobalu i Yesus ka baliNa.

Yohanes 13:21

Naupu i Yesus notesa pura-pura haitu, nasusa mpuumo raraNa. Bo niuliNa, “Pariaramo tesaKu hitu, naria saito komiu mompobalu Yaku ka baliKu.”

Yohanes 13:27

Niala i Yudaspa roti haitu, kaliu-liu nesuamo Magau nu Seta riara ntaina. Bo nanguli i Yesus ka i Yudas, “Anu mupovia, poviamo masalisa!”

Yohanes 15:16

Ledo komiu nompelisi Yaku, tapi Yaku nompelisi komiu bo nombatudu komiu hau movua madea, haitumo vua anu ledo maupu-upu. Ane komiu movua ivesia, nuapa-nuapa raperapimiu lako nte TuamaKu sabana komiu topangoseaka Yaku, kana radekeiNa ka komiu.

Yohanes 15:19

Ane rapana komiu nosangu pekiri ante tona ledo nomparasaya Yaku, natantumo rapotovera komiu sabana komiu roara mboto. Tapi komiu ledo nosangu pekiri ante ira, sabana Yaku nompelisi komiu bo nopatani komiu ka Yaku. Jadi haitu sampe komiu nipovuu matara.

Yohanes 17:12

Tempo Yaku da nosanggani-nggani ante ira, Yakumo nombajagai ira ante kuasaMiu, haitumo kuasa nidekeiMiu ka Yaku. NijagaiKu anaguruKu sampe ledo ria saitoa ira nalipo, aga ia anu masipato rapopogaa lako nte Komiu sampe ri kasae-saena ala madupa anu nitulisi riara Buku Gasa.

Yohanes 2:2

I Yesus bo anaguruNa muni nigaga hau ri posusa haitu.

Yohanes 20:24

I Tomas, saito lako ri sapulu randua anaguru i Yesus, niuli muni “Ngana Rapi”. Ia ledo naria nosanggani-nggani ante roa-roana tempo i Yesus nakava nompopakita karoNa ka ira.

Yohanes 6:64

Tapi da naria sanu komiu ledo nomparasaya.” I Yesus nanguli ivesia sabana nisaniNa mamimo lako ri pamulana isema ledo momparasaya bo isema mompobalu Ia bara maipia.

Yohanes 6:67

Jadi i Yesus nompekutana anaguruNa sapulu randua haitu, “Berimbamo? Rapalaisimiu muni Yaku?”

Yohanes 6:71

Tona nipatuju i Yesus iamo i Yudas ana i Simon Iskariot. Apa naupa i Yudas haitu saito lako nte ira sapulu randua, ia haitumo anu mompobalu i Yesus ngena.

Yohanes 8:44

Komiu nasimbayu ante tuamamiu, Magau nu Seta! Komiu batena madota mangoseaka dotana. Lako ri pamulaname ia bate-batena topepatesi. Ia ledo nosabingga ka anu nakana, sabana ledo ria nuapa-nuapa nakana riara ntaina. Masipato ia modava, apa ia topodava mami bo puna nu dava.

Suro-Suro 1:17

I Yudas haitu roata, sabana i Yesus mboto nompelisi ia majadi suroNa nasimbayu mpo kita.”

Suro-Suro 13:10

bo niulikana, “He, topebagiu nggaraka, ana nu Magau Seta! Ikomo nangeva pura-pura anu nabelo! Nakuya iko ledo nenonto nombatenggosi tesa nu Alatala nanoa?

1 Timotius 3:11

Ivesia muni bereina kana mombine nabelo pokaingguna, ledo topetunturaka. Bo ia muni kana matau mantaamaka dota rarana mboto bo mokainggu nanoa sampe namala raparasaya riara mpengaya-ngaya.

Titus 2:3

Ivesia muni ante totua-totua mombine. Patudukimo ira matuvu nte pokainggu nagasa anu masipato rapovia ntona natundu nte Alatala. Ulika ira nee mombatunturaka tona ntanina, nee sampe majadi batua ntule. Ira kana mompatuduki tona ntanina matuvu mabelo.

1 Yohanes 3:8

Tapi isema-sema batena novia dosa, ia nangoseaka dota Magau nu Seta, sabana Magau nu Seta nadosa mami lako ri lamba pamulana. Patuju kakava Ana nu Alatala ri dunia ala mompakaropu povia Magau nu Seta.