Yohanes 6:68 - Kaili Ledo

⁶⁸ Nesana i Simon Petrus, “Pue, nte isema rakalau kami? Aga Komiu nombatesa tesa anu nombadekei katuvua mabelo sampe ri kasae-saena.

Yohanes 6:68 ပူးပေါင်းရင်းမြစ်များ

Matius 16:16

Nesana i Simon Petrus, “Komiu Magau Topepakasalama anu nijanji nu Alatala. Komiu Ana nu Alatala anu natuvu sampe ri kasae-saena.”

Markus 8:29

Bo nekutana vai i Yesus, <> Nesana i Petrus, <>

Lukas 9:20

I Yesus nekutana vai, “Tapi nantuntuni panggavamiu, isema Yaku?” Nesana i Petrus, “Komiu Magau Topepakasalama anu nijanji nu Alatala!”

Yohanes 12:49

apa Yaku ledo notesa nangoseaka dotaKu mboto. Yaku aga nanguli anu niparenta nTuamaku ka Yaku, sabana Iamo nantudu Yaku makava ri dunia.

Yohanes 12:50

Bo nisaniKu muni parentaNa haitu mombadekei katuvua mabelo sampe ri kasae-saena. Jadi tesa nitesaKu ka komiu aga nangoseaka anu niparenta nTuamaKu ka Yaku.”

Yohanes 17:8

Apa nitesaKu ka ira puramo tesa niuliMiu ka Yaku, bo tesa-tesa haitu nitarimara puramo. Tata, nisanira Yaku mpuu-mpuu nakava lako nte Komiu, bo niparasayara Komiu nantudu Yaku.

Yohanes 5:24

Pariaramo tesaKu, isema-sema nangepe tesaKu bo nomparasaya Alatala anu nantudu Yaku, ia manggava katuvua nabelo sampe ri kasae-saena. Ia ledo mambela pehuku bo ledo rapopogaa lako nte Alatala tapi nariamo katuvua nabaru nte ia.

Yohanes 6:40

Iveimo dota nTuamaKu, ala pura-pura tona anu mombasani bo momparasaya Yaku, AnaNa, manggava katuvua mabelo sampe ri kasae-saena. Bo Kupakatuvu mpanjili ira ri kaupu nu dunia.”

Yohanes 6:63

Kuasa nu manusia ledo mompakule nombadekei katuvua nabelo, aga Nosa Gasa nu Alatala. Tesa-tesa niuliKu ka komiu, nakava lako ri Nosa Gasa bo tesa-tesa haitumo nombadekei katuvua nabelo.

Suro-Suro 13:26

I Paulus nompapola tesana ivei: “Sampesuvu-sampesuvu muli i Abraham bo sampesuvu-sampesuvu ntanina anu natundu nte Alatala. Alatala nompakatu ka kita kareba anu mompakalanto berimba Alatala mompakasalama kita.

Suro-Suro 4:12

I Petrus nompapola tesana, “Aga i Yesus namala mompakasalama manusia, sabana ri njumangu dunia ledo ria saitoa tona ntanina nipakakuasa nu Alatala mompakasalama manusia, aga i Yesus saitoNa.”

Suro-Suro 5:20

“Koimo, peangga ri doyata Banua nu Alatala bo patolelemo ka todea kareba katuvu nabaru.”

Suro-Suro 7:38

I Musa muni naria nosanggani-nggani nte todea toIsrael ri karava bai, bo i Musamo mai najadi topetariolo ntotuata ante malaeka anu notesa ka ia ri Bulu Sinai. I Musamo mai nantarima tesa natuvu lako nte Alatala bo nipapolana ka kita.

Suro-Suro 8:37

[Nesanamo i Filipus, “Ane niparasayamiu mpuu, mamala komiu radiu.” Nanguli toEtiopia haitu, “Niparasayaku i Yesus Kristus Iamo Ana nu Alatala!”]