Yohanes 6:66 - Kaili Ledo

⁶⁶ Nompamula lako ri eo haitu, nadea topangoseaka i Yesus nompalaisi Ia bo domo nadota nangoseaka Ia.

Yohanes 6:66 ပူးပေါင်းရင်းမြစ်များ

Matius 19:22

Nangepe tesa i Yesus, nalaimo kabilasa haitu ante nasusa rarana, sabana nadea mpuu kakalumanana.

Lukas 9:62

Nanguli i Yesus ka ia, “Ledo nabelo ane topopajeko nasaro meili ri puri. Ivesia muni tona nasaro nantora anu nipalaisina, ledo masipato majadi topokarajaa ri Poparenta nu Alatala.”

Yohanes 2:2

I Yesus bo anaguruNa muni nigaga hau ri posusa haitu.

Yohanes 6:60

Naupu nangepe tesa i Yesus haitu, nadeamo topangoseaka Ia nanguli, “Hu! Nakaja gaga pepatuduki hitu! Isema mompakule mangoseaka tesa eva haitu?”

Yohanes 6:64

Tapi da naria sanu komiu ledo nomparasaya.” I Yesus nanguli ivesia sabana nisaniNa mamimo lako ri pamulana isema ledo momparasaya bo isema mompobalu Ia bara maipia.

Yohanes 7:3

Tuei-tuei i Yesus nanguli ka Ia, “Aginamo Iko hau ri bagia Yudea ala pura-pura topangoseaka Iko hamai rakitara muni kabaraka-kabaraka Mupovia.

Yohanes 8:31

Naupu haitu, i Yesus nanguli ka toYahudi anu nomparasaya Ia, “Ane komiu maroo mangoseaka tesaKu, komiu mpuu-mpuu topangoseaka Yaku.

2 Timotius 1:15

Nisanimu pura-pura topomparasaya lako ri propinsi Asia nompalaisi yaku. Nau i Figelus bo i Hermogenes, nalai munimo.

2 Timotius 4:10

apa domo nadea tona nomporoa yaku. I Demas nompalaisi yaku sabana ia aga nompotove katuvuna ri dunia hitu. Nalai rou ri ngata Tesalonikamo ia. Bo i Kreskes rou ri propinsi Galatia, bo i Titus rou ri bagia Dalmatia.

Ibrani 10:38

Bo todeaKu anu nanoa ri panggitaKu, iramo matuvu mabelo sabana pomparasayara. Tapi ane moura ira, domo Kupodamba.” Habakuk 2:3-4

1 Yohanes 2:19

Bali-bali i Kristus nesuvu lako nte kita, tapi kakanana ira ledo nosangu pomparasaya ante kita. Ane ira mpuu-mpuu nosangu pomparasaya ante kita, natantu ira da mosanggani-nggani ante kita. Tapi nipalaikaramo kita, jadi nisanita ira ledo mpuu nosangu pomparasaya ante kita.