Yohanes 6:52 - Kaili Ledo

⁵² Nangepe tesa i Yesus haitu, nosinjanai mbotomo toYahudi. Nosipekutanamo ira, “Berimba tona haitu mamala mombadekei isi karoNa rakandeta?”

Yohanes 6:52 ပူးပေါင်းရင်းမြစ်များ

Yohanes 1:19

Pakeni-pakeni ntoYahudi ri ngata Yerusalem nantudu bara sako-ndua topanggeni pesomba bo toLewi hau nte i Yohanes Topediu mompekutana ia ivei: “Isema kakanana komiu tutu?”

Yohanes 10:19

Nangepe tesa i Yesus haitu, nosinjanai vai toYahudi.

Yohanes 3:4

Nekutana i Nikodemus nte Ia, “Mamala tona natuamo rapoanaka mpanjili? Mamala ia mesua vai riara ntai ntinana bo rapoanaka mpanjili?”

Yohanes 3:9

Bo nekutana vaimo i Nikodemus, “Berimba sampe haitu mamala majadi?”

Yohanes 4:11

Naupu haitu nanguli vaimo mombine haitu, “Berimbamo? I Yakub totua kami nggaulu, nokae buvu hitu. Bo kami nikabolina. Ia mboto nanginu uve lako ri buvu hitu bo ivesia muni ana-anana bo binata-binata nipiarana. Naogepa Komiu pade i Yakub? Ledo ria posibuMiu raposibu uve, bo buvu nandala mpuu. Lako ri umba rapangalaMiu uve anu mombadekei katuvua mabelo nitesaMiu tutu?”

Yohanes 6:41

Nangepe tesa haitu nongutu-ngutumo toYahudi ri sia, sabana i Yesus nanguli, “Yakumo hii kandea anu nanau lako ri suruga.”

Yohanes 6:60

Naupu nangepe tesa i Yesus haitu, nadeamo topangoseaka Ia nanguli, “Hu! Nakaja gaga pepatuduki hitu! Isema mompakule mangoseaka tesa eva haitu?”

Yohanes 9:16

Bara sako-ndua toFarisi haitu nanguli, “Natantumo i Yesus haitu ledo lako nte Alatala, sabana Ia ledo nangoseaka atura-atura eo penonto.” Tapi naria muni sanu nanguli, “Umbamo tona nadosa mamala movia kabaraka ivehaitu?” Jadi nosisala panggava ira.

Suro-Suro 17:32

Tempo todea nangepe tesa tomate natuvu mpanjili lako ri kamatena, naria sanu ira nompongirika i Paulus, sabana ledo niparasayara tomate mamala matuvu mpanjili. Tapi naria muni sanu nanguli, “Kami da madota mangepe hanupa tesamu tutu!”

1 Korintus 2:14

Tona nangoseaka dotana mboto bo ledo naria Nosa Gasa nu Alatala nte ia, ledo nitarimana pepatuduki lako nte Nosa Gasa sabana nirekena pepatuduki haitu aga tesa ntodoyo. Ledo nipakulena mombapaha batuana sabana pepatuduki haitu aga namala rapaha ntona ante pekeniaka Nosa Gasa.