Yohanes 6:49 - Kaili Ledo

⁴⁹ Totuamiu nggaulu nangande kandea anu niuli ‘manna’ ri karava bai, bo ira pura-pura namate.

Yohanes 6:49 ပူးပေါင်းရင်းမြစ်များ

Yohanes 6:31

Apa totua kami nggaulu nangande roti anu niuli ‘manna’ ri karava bai. Haitu nitulisi riara Buku Gasa ivei: ‘NidekeiNa ka ira kandea lako ri suruga rakandera.’”

Yohanes 6:58

Yakumo hii kandea anu nanau lako ri suruga. Kandea hitu ledo eva ‘manna’ nikande ntotuamiu nggaulu. Naupa ira nangande ‘manna’ haitu, namatemo ira. Tapi isema-sema mangande kandea hitu matuvu mabelo sampe ri kasae-saena.”

Yudas 1:5

Nau nisanimiumo pura-pura hitu, kana kupopatora ka komiu pehuku nu Alatala ka tona novia nadaa. Nggaulu, Tupu nombakabasaka todeaNa toYahudi lako ri tana Mesir. Tapi naupu sia, naria sanu ira ledo nomparasaya sampe nipatesiNamo ira ri karava bai.

Pompakita 2:17

Isema-sema naria talingana epemo pakabelo-belo anu niuli Nosa Gasa nu Alatala ka todea topomparasaya ri umba-umba ngata. Isema-sema padagi, Kudekei ka ia roti Manna anu nitabuniaka. Bo Kudekei muni vatu nabula simbo sangu ka ira. Ri vatu nabula haitu nitulisi sanga nabaru anu ledo ntoto nisani ntona ntanina, aga tona mantarima vatu nabula haitu mangisanina.”