Yohanes 6:40 - Kaili Ledo

⁴⁰ Iveimo dota nTuamaKu, ala pura-pura tona anu mombasani bo momparasaya Yaku, AnaNa, manggava katuvua mabelo sampe ri kasae-saena. Bo Kupakatuvu mpanjili ira ri kaupu nu dunia.”

Yohanes 6:40 ပူးပေါင်းရင်းမြစ်များ

Matius 10:15

Pariaramo tesaKu hitu! Ri Eo Potangara ri kaupu nu dunia melabipa kadaana pehuku nu Alatala ka ira pade pehuku rapambela ka tupu ngata Sodom bo Gomora anu nadaa mpuu pokainggura!”

Matius 25:46

Bo i Yesus nompakaupu tesaNa ante nanguli, “Pura-pura tona nadaa haitu rahuku sampe ri kasae-saena. Tapi tona nanoa, matuvu mabelo sampe ri kasae-saena.”

Markus 16:16

Isema-sema ledo momparasaya Kareba Belo haitu, kana rahuku. Tapi isema-sema momparasaya Yaku bo radiu tandana ia topangoseaka Yaku, ia rapakasalama.

Lukas 2:30

apa mataku mbotomo nanggita Topepakasalama lako nte Komiu

Yohanes 1:14

Ia anu niuli Tesa nu Alatala haitu najadi manusia bo nonturo ri tatanga kami ri dunia hitu. Bo nikita kami kuasaNa bo kaogeNa, haitumo kuasa bo kaoge nitarimaNa lako nte TuamaNa apa Ia AnaNa saito-itoNa. Iamo sampe nisanita mpuu Alatala bo toveNa ka kita.

Yohanes 10:28

Yaku nombadekei ka ira katuvu mabelo sampe ri kasae-saena bo ira ledo ntoto rapopogaa lako nte Alatala. Ledo ntoto maria saitoa tona mamala mangago bimbaKu lako nte Yaku.

Yohanes 11:24

Nanguli i Marta, “Iyo. Nisaniku ia matuvu mpanjili ri kaupu nu dunia tempo pura-pura tona namate matuvu mpanjili.”

Yohanes 11:25

Nanguli i Yesus ka i Marta, “Yakumo anu nompakatuvu mpanjili tona namate bo Yakumo nombadekei katuvua nabelo. Isema-sema nomparasaya Yaku, nau ia mamatemo, ia batena matuvu mabelo.

Yohanes 12:45

Bo isema-sema nanggita Yaku, nikitana muni Alatala anu nantudu Yaku.

Yohanes 12:50

Bo nisaniKu muni parentaNa haitu mombadekei katuvua mabelo sampe ri kasae-saena. Jadi tesa nitesaKu ka komiu aga nangoseaka anu niparenta nTuamaKu ka Yaku.”

Yohanes 14:17

Topetulungi haitumo Nosa Gasa nu Alatala anu mompopaisani anu nakana ka komiu. Tona ri dunia hitu anu ledo nomparasaya, ledo mamala mantarima Ia sabana ledo nikitara Ia bo ledo nosisani ante Ia. Tapi komiu nosisani ante Ia sabana Ia nosanggani-nggani ante komiu sii-sii, bo domo masae Ia monturo riara ntaimiu.

Yohanes 14:19

Damo sampalai rakita ntona Yaku ri dunia hitu. Tapi komiu da rakitamiu Yaku. Bo komiu matuvu mabelo sabana Yaku matuvu mpanjili.

Yohanes 17:2

NidekeiMiumo kuasa ka Yaku, kuasa moparenta pura-pura manusia ala mamala Kudekei katuvua mabelo sampe ri kasae-saena ka tona nidekeiMiu ka Yaku.

Yohanes 3:36

Isema-sema momparasaya AnaNa, manggava katuvua mabelo sampe ri kasae-saena. Tapi isema-sema ledo nekou nte AnaNa ledo manggava katuvua mabelo haitu. Ia aga rapambela rau rara nu Alatala sampe ri kasae-saena.”

Yohanes 4:14

Tapi isema-sema manginu uve Kudekei ka ia, domo mabai tambolona sampe ri kasae-saena. Sabana uve Kudekei ka ia haitu majadi uve mpemata moili lako riara ntaina bo nombadekei katuvua mabelo ka ia sampe ri kasae-saena.”

Yohanes 5:24

Pariaramo tesaKu, isema-sema nangepe tesaKu bo nomparasaya Alatala anu nantudu Yaku, ia manggava katuvua nabelo sampe ri kasae-saena. Ia ledo mambela pehuku bo ledo rapopogaa lako nte Alatala tapi nariamo katuvua nabaru nte ia.

Yohanes 6:27

Nee aga mokarajaa ala manggava kandea anu masalisa maupu atau mavai. Agina komiu mokarajaa ala manggava kandea anu ledo mavai bo anu mombadekei katuvua mabelo sampe ri kasae-saena. Yaku, Ana nu Manusia mombadekei kandea haitu ka komiu, sabana Yakumo nianggataka nTuamaKu Alatala mantui pokarajaa haitu.”

Yohanes 6:39

Bo iveimo dota nu Alatala anu nantudu Yaku, ala ledo malipo nau saitoa lako ri pura-pura tona nidekeiNa ka Yaku. Ira pura-pura kana Kupakatuvu mpanjili ri kaupu nu dunia.

Yohanes 6:44

Ledo ria saitoa mamala momparasaya Yaku ane ledo rakeniaka nTuamaKu anu nantudu Yaku. Bo isema-sema nomparasaya Yaku, kana Kupakatuvu mpanjili ri kaupu nu dunia.

Yohanes 6:54

Tapi isema-sema mangande isi karoKu bo manginu raaKu, iamo matuvu mabelo sampe ri kasae-saena, bo Kupakatuvu mpanjili ia ri kaupu nu dunia.

Yohanes 8:56

Totuamiu nggaulu i Abraham, nadamba mpuu rarana sabana nisanina rakitana Yaku makava. Nikitanamo bo nadamba mpuumo rarana.”

Roma 5:21

Bara ipia dosa nakuasa riara nggatuvu manusia sampe pura-pura manusia kana mamate bo rapopogaa lako nte Alatala. Tapi sii-sii, pepotove nu Alatala nakuasa riara nggatuvuta. Apa lako ri pepotoveNa haitu, Alatala nombareke kita nanoa ri panggitaNa bo nidekeiNa ka kita katuvua nabelo sampe ri kasae-saena. Haitu pura nipoviaNa sabana Tuputa i Yesus Kristus.

Roma 6:23

Isema-sema novia dosa manggava tambo, bo tambo haitu kamatea anu mompopogaa ia lako nte Alatala. Tapi pedekei bayangi lako nte Alatala ka kita, haitumo kita matuvu mabelo sampe ri kasae-saena. Kita nanggava pedekei bayangi sabana kita nosangu rara ante Tuputa i Yesus Kristus.

2 Korintus 4:6

Tempo Alatala nompajadi dunia niuliNa, “Lako ri kalandana meumbamo reme!” Ivesia muni nipakaremeNa pekirita ala pekirita majadi manoto bo rasanita kaogeNa. ToIsrael nggaulu nanggita kaoge nu Alatala nenggila ri lenje i Musa. Ivesia muni rasanita kaoge nu Alatala ane raposisanita i Kristus.

Ibrani 11:1

Ane kita nomparasaya, batuana nisanitamo anu nisarumakata mpuu-mpuu rakavata. Nau dopa nikitata, nariamo katantuna riara ntaita anu haitu mpuu-mpuu majadi.

Ibrani 11:27

Lako ri pomparasaya i Musa, nipalaisina tana Mesir. Ia ledo naeka ka Magau Mesir nau narau mpuu rara Magau. I Musa batena naroo rarana, apa eva nikitana Alatala anu ledo nikita.

1 Petrus 1:8

Nau ledo nikitamiu Ia bara ipia, komiu nompotove Ia. Bo nau ledo nikitamiu Ia sii-sii, tapi komiu batena nomparasaya Ia. Bo kadamba raramiu naoge mpuu sampe ledo rapakule mombasovadakana.

1 Yohanes 2:25

Hitumo nijanjiNa ka kita: Kita matuvu mabelo sampe ri kasae-saena.

Yudas 1:21

Komiu kana bate-batena matuvu mantora pepotove nu Alatala ka komiu. Bo tongorakamo kakava nTuputa i Yesus anu mombadekei katuvu nabelo sampe ri kasae-saena ka kita sabana kabelo raraNa.