Yohanes 6:30 - Kaili Ledo

³⁰ Bo nanguli vaimo ira, “Ane ivesia, tanda nuapa rapoviaMiu ala rakita kami bo raparasaya kami Komiu? Povia nuapa rapoviaMiu?

Yohanes 6:30 ပူးပေါင်းရင်းမြစ်များ

Markus 15:32

Ane Ia mpuu-mpuu Magau ntoIsrael, Magau Topepakasalama, agina Ia manau lako ri kayu salib ala rakitata bo raparasayata Ia!>> Bo tona nipaku ri kayu salib ri sinjori i Yesus muni nombadee Ia.

Markus 8:11

Naria bara sako-ndua toFarisi nakava nosinjanai nte i Yesus ala mombaopa tesaNa. Niperapira Ia movia tanda nabaraka, haitumo tandana Ia mpuu-mpuu niposumba nu Alatala.

Yohanes 10:38

Tapi nipoviaKu pokarajaa haitu jadi kana raparasayamiumo Yaku. Nau ledo madota komiu momparasaya tesaKu, kana raparasayamiu sabana anu nipoviaKu. Ivesiamo rasanimiu mpuu-mpuu Yaku nosangu rara nte TuamaKu bo TuamaKu muni nosangu rara nte Yaku.”

Yohanes 12:37

Naupa nadeamo kabaraka nipoviaNa ri ngayora, ledo niparasayara Ia.

Yohanes 2:18

Naupu haitu pakeni-pakeni ntoYahudi nangeva i Yesus bo nanguli, “Kabaraka nuapa rapoviaMu tandana Iko nakuasa nompopalai tona ivesia?”

Yohanes 6:14

Nipeinta ntodeapa anu nipovia i Yesus, notesamo ira, “Mpuu-mpuu Ia mai nabi nisarumakata makava ri dunia!”

Yohanes 6:2

Nadea mpuu tona nantuntuni Ia sabana nikitaramo tanda-tanda nipokumaaka nipoviaNa nompakabelo tona nadua.

Yohanes 6:36

Tapi evamo niuliKu ka komiu pangane, naupa nikitamiumo Yaku, ledo niparasayamiu.

Suro-Suro 4:30

Pue, tulungi ala tona nadua mamala rapakabelo bo kabaraka bo tanda nipokumaaka majadi ante kuasa i Yesus, BatuaMiu nagasa.”

1 Korintus 1:22

ToYahudi ledo nadota momparasaya ane ledo rakitara tanda nipokumaaka. Bo toYunani ledo nadota momparasaya ane ledo ratesa ka ira ante kapande nu manusia.

Ibrani 2:4

Bo Alatala mboto nompakalanto kareba nipatolelera mpuu-mpuu nakana. Apa nipoviaNa mpengaya-ngaya kabaraka bo tanda nipokumaaka, bo nipaleleNa pompakule lako ri Nosa GasaNa nangoseaka dotaNa mboto.