Yohanes 6:29 - Kaili Ledo

²⁹ Nesana i Yesus, “Iveimo anu nipokonoa nu Alatala: Parasayamo Yaku anu nituduNa.”

Yohanes 6:29 ပူးပေါင်းရင်းမြစ်များ

Matius 17:5

Da notesa i Petrus, nakavamo kulimu nareme nombabungu ira, bo lako riara kulimu haitu niepera suara nanguli, “Hitumo AnaKu nipotoveKu. Iamo nompakadamba raraKu. Pariaramo tesaNa”!

Markus 16:16

Isema-sema ledo momparasaya Kareba Belo haitu, kana rahuku. Tapi isema-sema momparasaya Yaku bo radiu tandana ia topangoseaka Yaku, ia rapakasalama.

Yohanes 3:36

Isema-sema momparasaya AnaNa, manggava katuvua mabelo sampe ri kasae-saena. Tapi isema-sema ledo nekou nte AnaNa ledo manggava katuvua mabelo haitu. Ia aga rapambela rau rara nu Alatala sampe ri kasae-saena.”

Yohanes 5:39

Komiu natutu neguru isi Buku Gasa sabana niulimiu riara buku haitu rakavamiu katuvua mabelo sampe ri kasae-saena. Tano isi Buku Gasa haitumo anu nompakalanto isema Yaku.

Yohanes 6:28

Pade nekutanamo ira, “Nuapa masipato rapovia kami ala pokainggu kami rapokonoa nu Alatala?”

Yohanes 6:38

Apa Yaku nanau lako ri suruga, ledo movia dotaKu mboto, tapi movia anu nipodota nu Alatala anu nantudu Yaku.

Yohanes 6:57

TuamaKu anu nantudu Yaku, Iamo puna katuvua nabelo, bo katuvuKu nopuna lako nte Ia. Ivesia muni tona anu mangande isi karoKu, katuvuna mopuna lako nte Yaku.

Suro-Suro 16:31

Nesana i Paulus bo i Silas, “Parasayamo i Pue Yesus Kristus, bo komiu sambanua rapakasalama.”

Ibrani 5:9

Naganapa pura-pura haitu nirasaiNa, Ia najadi puna katuvua nabelo sampe ri kasae-saena ka pura-pura tona matundu nte Ia.

Yakobus 2:22

Lako rahaitu nisanita pomparasaya Nabi Abraham nasinggeni ante pokaingguna, bo pokaingguna haitu nompakalanto ia mpuu-mpuu nomparasaya.

1 Yohanes 3:23

Hitumo niparentaNa ka kita: kita kana momparasaya AnaNa, i Yesus Kristus. Bo kita kana mosimpotove nangoseaka parenta i Kristus mboto ka kita.

1 Yohanes 5:1

Isema-sema nomparasaya i Yesusmo Magau Topepakasalama anu nijanji nu Alatala, iamo nireke ana nu Alatala. Bo isema-sema nompotove Tuamata Alatala, natantu nipotovena muni roa-roana anu najadi ana-ana nu Alatala.

Pompakita 2:26

Isema-sema padagi bo mangoseaka dotaKu sampe ri kaupuna, Kudekeika kuasa nasimbayu mpo nitarimaKu lako nte TuamaKu. Kudekei kuasa ka ira momparenta manusia ri umba-umba ri dunia. Ira momparenta ante ase poboba. Bo rapakaropura balira nasimbayu mpo tona norupusaka kura tana.