Yohanes 6:27 - Kaili Ledo

²⁷ Nee aga mokarajaa ala manggava kandea anu masalisa maupu atau mavai. Agina komiu mokarajaa ala manggava kandea anu ledo mavai bo anu mombadekei katuvua mabelo sampe ri kasae-saena. Yaku, Ana nu Manusia mombadekei kandea haitu ka komiu, sabana Yakumo nianggataka nTuamaKu Alatala mantui pokarajaa haitu.”

Yohanes 6:27 ပူးပေါင်းရင်းမြစ်များ

Matius 17:5

Da notesa i Petrus, nakavamo kulimu nareme nombabungu ira, bo lako riara kulimu haitu niepera suara nanguli, “Hitumo AnaKu nipotoveKu. Iamo nompakadamba raraKu. Pariaramo tesaNa”!

Matius 25:46

Bo i Yesus nompakaupu tesaNa ante nanguli, “Pura-pura tona nadaa haitu rahuku sampe ri kasae-saena. Tapi tona nanoa, matuvu mabelo sampe ri kasae-saena.”

Matius 3:17

Bo naria suara lako ri suruga nanguli, “Hitumo AnaKu nipotoveKu. Iamo nompakadamba raraKu.”

Matius 6:19

“Nee mompasiromu kakalumana dunia ka karomiu mboto. Apa kakalumana dunia namala rakande nu ane atau tagara, bo rapangangga ntona.

Matius 8:20

Nesana i Yesus, “Asulaku naria bolona rapaturuna bo tonji naria jumuna, tapi Yaku, Ana nu Manusia, ledo ria ponturoKu natantu Kupaturu.”

Markus 1:11

Bo naria suara lako ri suruga nanguli, <>

Markus 9:7

Naupu sia, nakavamo kulimu nombabungu ira bo niepera suara lako ri kulimu haitu nanguli, <>

Lukas 3:22

bo Nosa Gasa nolenje mpo tonji banggebodo, netuu nte Ia. Pade naria suara lako ri suruga nanguli, “Ikomo AnaKu nipotoveKu. Ikomo nompakadamba raraKu.”

Lukas 9:35

Lako riara kulimu naria suara nanguli, “Hitumo AnaKu nipelisiKu. Epemo tesaNa!”

Yohanes 10:28

Yaku nombadekei ka ira katuvu mabelo sampe ri kasae-saena bo ira ledo ntoto rapopogaa lako nte Alatala. Ledo ntoto maria saitoa tona mamala mangago bimbaKu lako nte Yaku.

Yohanes 11:42

NisaniKu Komiu bate-batena nangepe posambayaKu, tapi niuliKu ivesia ala raepe ntona ri sii ala raparasayara Komiumo nombatudu Yaku tumai ri dunia.”

Yohanes 14:6

Nesana i Yesus, “Yakumo hii dala, Yakumo nompopaisani anu nakana bo Yakumo nombadekei katuvua nabelo. Ledo ria saitoa mamala makava ri ngayo nTuamaKu ane ledo ante Yaku.

Yohanes 15:24

Ane rapana ledo nipoviaKu kabaraka-kabaraka ri ngayora anu ledo sanggani nipovia ntona ntanina, tantu ira ledo rapakasala sabana dosara. Tapi nikitaramo kabaraka-kabaraka haitu bo ira batena navuu matara nanggita Yaku bo TuamaKu muni. Jadi ira kana rapakasala sabana dosara haitu.

Yohanes 17:2

NidekeiMiumo kuasa ka Yaku, kuasa moparenta pura-pura manusia ala mamala Kudekei katuvua mabelo sampe ri kasae-saena ka tona nidekeiMiu ka Yaku.

Yohanes 3:15

ala isema-sema momparasaya Yaku, manggava katuvua mabelo sampe ri kasae-saena.

Yohanes 3:33

Tapi isema-sema nomparasaya tesaNa haitu, raulina Alatala mpuu-mpuu nakana.

Yohanes 6:40

Iveimo dota nTuamaKu, ala pura-pura tona anu mombasani bo momparasaya Yaku, AnaNa, manggava katuvua mabelo sampe ri kasae-saena. Bo Kupakatuvu mpanjili ira ri kaupu nu dunia.”

Yohanes 6:47

Pariaramo tesaKu hitu, isema-sema nomparasaya Yaku, matuvu mabelo sampe ri kasae-saena.

Yohanes 6:51

Yakumo hii kandea anu nanau lako ri suruga, anu nombadekei katuvua nabelo haitu. Isema-sema mangande kandea hitu, matuvu mabelo sampe ri kasae-saena. Kandea anu nombadekei katuvua nabelo, batuana isi karoKu anu Kudekei ala manusia mamala matuvu mabelo sampe ri kasae-saena.”

Yohanes 6:53

Bo nanguli i Yesus ka ira, “Pariaramo tesaKu hitu, ane komiu ledo mangande isi karoKu, Ana nu Manusia, bo ledo manginu raaKu, komiu ledo ntoto matuvu mabelo.

Yohanes 6:54

Tapi isema-sema mangande isi karoKu bo manginu raaKu, iamo matuvu mabelo sampe ri kasae-saena, bo Kupakatuvu mpanjili ia ri kaupu nu dunia.

Yohanes 6:58

Yakumo hii kandea anu nanau lako ri suruga. Kandea hitu ledo eva ‘manna’ nikande ntotuamiu nggaulu. Naupa ira nangande ‘manna’ haitu, namatemo ira. Tapi isema-sema mangande kandea hitu matuvu mabelo sampe ri kasae-saena.”

Yohanes 6:62

Natantu nau rakitamiu Yaku, Ana nu Manusia meore mpanjili hau ri ponturoKu pamulana, dopa muni raparasayamiu.

Yohanes 6:68

Nesana i Simon Petrus, “Pue, nte isema rakalau kami? Aga Komiu nombatesa tesa anu nombadekei katuvua mabelo sampe ri kasae-saena.

Yohanes 8:18

Naria randua anu nombasabiki Yaku. Yaku mboto saito, bo karanduana TuamaKu anu nantudu Yaku.”

Suro-Suro 10:38

Nisanimiu muni Alatala nompelisi i Yesus toNazaret bo nidekeiNa Nosa Gasa bo kuasa. Nisanimiu muni i Yesus hau ri umba-umba novia anu nabelo, bo nipakabeloNa pura-pura tona nipandasa Magau nu Seta sabana Alatala naria nte Ia.

Suro-Suro 2:22

I Petrus nompakapola tesana ivei: “Sampesuvu-sampesuvuku toIsrael! Pariaramo tesaku hitu! Alatala nompopakita ka komiu pura-pura, Ia mpuu-mpuu nompelisi bo nantudu i Yesus toNazaret, sabana nidekeikaNa kuasa movia kabaraka bo tanda-tanda nipokumaaka. Nisanimiu mboto tesaku hitu nakana, sabana kajadia haitu pura-pura najadi ri tatangata.

Roma 4:11

Damo nggapurina pade nisuna ia, bo posuna haitu najadi tandana ia nanoa ri panggita nu Alatala. Nalantomo i Abraham najadi nanoa ri panggita nu Alatala sabana pomparasayana dopame ia nisuna. Jadi haitumo sampe namala raulita i Abraham rapotuama ntona pura-pura anu nomparasaya Alatala. Apa nau ira ledo nangoseaka ada posuna, ira muni nireke nu Alatala nanoa sabana pomparasayara, nasimbayu mpo i Abraham.

Roma 6:23

Isema-sema novia dosa manggava tambo, bo tambo haitu kamatea anu mompopogaa ia lako nte Alatala. Tapi pedekei bayangi lako nte Alatala ka kita, haitumo kita matuvu mabelo sampe ri kasae-saena. Kita nanggava pedekei bayangi sabana kita nosangu rara ante Tuputa i Yesus Kristus.

1 Korintus 6:13

Sanu muni nanguli kandea nipasadia rakande, bo tailiko nipovia rapangisi kandea. Bo kandea bo tailiko rapakaropu nu Alatala pura bara maipia. Jadi, nisarumakamiu ledo makuya nuapa-nuapa rapoviata ante karota. Kakanana ledo ivesia. Karota ledo nipovia mompogau tona ledo bereita mboto. Tapi karota nipovia ala rapaketa movia dota i Pue. Iamo Tupu nu karota.

1 Korintus 9:2

Nau ri panggita ntona ntanina yaku ledo nireke suro i Pue Yesus, natantu kana rarekemiumo yaku suroNa mami! Pomparasayamiu i Pue Yesusmo nompakalanto yaku hii mpuu-mpuu suroNa.

2 Korintus 4:18

Jadi kami ledo nompariara kasusa bo kapari anu nikita ri dunia hitu, tapi kami nompariara belo anu dopa nikita anu nasadia ka kami. Apa, anu nikita ri dunia hitu aga sampalai, tapi belo anu dopa nikita haitu, bate-batena sampe ri kasae-saena.

Galatia 5:6

Ane nosangu rara ante i Yesus Kristus kita, ledo ria gunana kita nisuna atau ledo nisuna. Aga nomparasaya i Kristus noguna. Bo ane kita mpuu-mpuu nomparasaya, rapotoveta roata.

Filipi 2:13

Apa Alatala mbotomo nokarajaa riara ntaimiu nombadekei ka komiu dota rara bo pompakule mangoseaka dotaNa.

Kolose 1:29

Haitumo sampe yaku nokarajaa ntamo, yaku mpuu-mpuu nompasimbuku nokarajaa ante kuasa nidekei i Kristus, apa kuasaNa riara nggatuvuku mpuu-mpuu naroso.

Kolose 2:22

Atura-atura ivehaitu ledo ria gunana ka kita sabana atura haitu aga notesa kandea bo anu nipake sampalai bo nalipo. Kakanana atura-atura haitu aga nopuna lako ri parenta-parenta bo pepatuduki manusia.

Kolose 3:2

Pekirikamo katuvumiu nabaru nosanggani ante i Kristus ri suruga. Nee aga mompekirika katuvumiu ri dunia hitu.

2 Timotius 2:19

Tapi naupa ivesia, Tesa nu Alatala batena nakana bo namala raparasaya. Tesa nu Alatala naroso mpo pandasi nau ragoya ledo mogoya. Tesa nu Alatala haitu nitulisi ivei: “Nisani nTupu isema todeaNa.” Bo naria tesa ntanina nanguli, “Isema-sema nanguli ia topangoseaka Tupu, kana menonto mokainggu nadaa.”

Ibrani 12:16

Nee sampe maria tona mosipogau nte tona ledo bereina mboto. Bo nee sampe maria tona moinggu mpo i Esau, apa ia aga nompekirika kasana karona ri dunia hitu bo ledo nipekirikana dota nu Alatala. Kalumbuana nisulakana sanjuraya kandea.

Ibrani 4:11

Sabana haitu, kita kana mompasimbuku ante rarata mpuu-mpuu ala kita mamala menonto mosanggani-nggani ante Alatala. Nee sampe maria tona ledo radekei mombarasai kabelo haitu sabana ledo nomparasaya, evamo najadi nte toIsrael nggaulu.

Yakobus 1:11

Tempo peindo nu eo napane, kavoko haitu nalele sampe naronto sesena, bo naronto puramo rambana. Ivesia muni ante tona nakalumana. Sanggani tempo riara popaelona, mamate muni ia.

1 Petrus 1:24

Riara Buku Gasa nitulisi ivei: “Katuvu manusia pura-pura nasimbayu mpo kavoko, bo pura-pura kuasa bo kagayana mpo sese nggavoko. Kavoko haitu nalele bo sesena naronto.

2 Petrus 1:17

Apa kami mboto naria nosanggani-nggani nte Ia ri bavo nu bulu bara ipia tempo Ia nibila bo nipakareme nTuamata Alatala. Bo suara nu Alatala anu Neliu KaogeNa nanguli ivei: “Hitumo AnaKu nipotoveKu, Iamo nompakadamba raraKu.”