Yohanes 6:26 - Kaili Ledo

²⁶ Nesanamo i Yesus, “Pariaramo tesaKu! Komiu nangelo Yaku sabana komiu nangande roti sampe nabosu. Ledo nisanimiu patuju ntanda nabaraka nipoviaKu haitu.

Yohanes 6:26 ပူးပေါင်းရင်းမြစ်များ

Yohanes 3:3

Nesana i Yesus, “Pariaramo tesaKu hitu, ledo ria saitoa tona mamala majadi todea riara Poparenta nu Alatala ane ia ledo rapoanaka mpanjili.”

Yohanes 3:5

Nesana i Yesus, “Pariaramo tesaKu hitu; ane tona ledo rapoanaka ante uve bo ante kuasa Nosa Gasa nu Alatala, tona haitu ledo mamala majadi todea riara Poparenta nu Alatala.

Yohanes 6:14

Nipeinta ntodeapa anu nipovia i Yesus, notesamo ira, “Mpuu-mpuu Ia mai nabi nisarumakata makava ri dunia!”

Yohanes 6:15

Nisani i Yesus ira nopatuju makava mompasuu Ia majadi magaura. Jadi nalaimo Ia saitoNa hau ri bulu.

Yohanes 6:2

Nadea mpuu tona nantuntuni Ia sabana nikitaramo tanda-tanda nipokumaaka nipoviaNa nompakabelo tona nadua.

Yohanes 6:24

Nisani ntodeapa i Yesus domo naria hamai bo domo muni naria ana-anaguruNa, nesavi sakaya munimo ira hau mangelo i Yesus ri ngata Kapernaum.

Yohanes 6:30

Bo nanguli vaimo ira, “Ane ivesia, tanda nuapa rapoviaMiu ala rakita kami bo raparasaya kami Komiu? Povia nuapa rapoviaMiu?

Yohanes 6:36

Tapi evamo niuliKu ka komiu pangane, naupa nikitamiumo Yaku, ledo niparasayamiu.

Yohanes 6:47

Pariaramo tesaKu hitu, isema-sema nomparasaya Yaku, matuvu mabelo sampe ri kasae-saena.

Yohanes 6:53

Bo nanguli i Yesus ka ira, “Pariaramo tesaKu hitu, ane komiu ledo mangande isi karoKu, Ana nu Manusia, bo ledo manginu raaKu, komiu ledo ntoto matuvu mabelo.

Yohanes 6:64

Tapi da naria sanu komiu ledo nomparasaya.” I Yesus nanguli ivesia sabana nisaniNa mamimo lako ri pamulana isema ledo momparasaya bo isema mompobalu Ia bara maipia.

Roma 16:18

Sabana, tona nokainggu ivehaitu ledo nokarajaa ka Tuputa i Kristus, tapi aga nangoseaka dotara mboto. Tona dopa nisanina belo pepatuduki nakana, nibagiura ante tesa-tesara napande bo namomi.

Filipi 2:21

Pura-pura roaku ntanina aga nasesa nompekirika bagora mboto, ledo nompekirika dota i Yesus Kristus.

Filipi 3:19

Tona ivehaitu ranavusaka ri narakaa, sabana aga dotara mboto anu nadaa nisombara. Anu nipoeya, haitumo nioera sabana aga anu ri dunia hitu nipekirikara.

1 Timotius 6:5

bo ledo naupu-upu nosipakadua rara. Nadaamo pekirira bo domo nisanira anu nakana. Nisarumakara makalumana ira ane moagama.