Yohanes 6:22 - Kaili Ledo

²² Naeo mpadondo, todea anu naboli ri sambote rano haitu nangelo i Yesus. Nitorara aga sangu sakaya hamai riavi. Bo nitorara i Yesus ledo nesavi sakaya nosanggani-nggani ante ana-anaguruNa, aga ira bayangi nesavi sakaya hau ri sambotena.

Yohanes 6:22 ပူးပေါင်းရင်းမြစ်များ

Matius 14:22

Naupu haitu nitudu i Yesusmo ana-anaguruNa mesavi sakaya mokolu ka Ia hau ri sambote rano. Apa Ia da mompopanjili todea manjili hau ri ngatara mboto.

Markus 6:45

Naupu haitu, kaliu-liu nitudu i Yesusmo anaguruNa mesavi sakaya, mokolu hau ri ngata Betsaida ri sambote rano. Apa Ia da mompopanjili todea hau ri ngatara mboto.

Yohanes 6:2

Nadea mpuu tona nantuntuni Ia sabana nikitaramo tanda-tanda nipokumaaka nipoviaNa nompakabelo tona nadua.