Yohanes 6:15 - Kaili Ledo

¹⁵ Nisani i Yesus ira nopatuju makava mompasuu Ia majadi magaura. Jadi nalaimo Ia saitoNa hau ri bulu.

Yohanes 6:15 ပူးပေါင်းရင်းမြစ်များ

Matius 5:1

Tempo i Yesus nanggita todea haitu, nantendemo Ia hau ri bulu. Nonturopa Ia ri sia, nakavamo topangoseaka Ia.

Markus 11:9

Tona ri kolu bo ri puri, nongare-ngare puramo, <

Lukas 19:38

Niulira, “Maoge belo ka Magau anu nakava niposumba nu Alatala! Ratoiyamo Alatala ri suruga! Ri suruga naria katuvu nabelo!” Mazmur 118:26

Yohanes 18:36

Nesana i Yesus, “PoparentaKu ledo nopuna lako ri dunia hitu. Ane rapana Yaku masimbayu nte magau lako ri dunia hitu, natantumo topangoseaka Yaku kana meeva ala Yaku ledo rasaka bo rakeni ka pakeni-pakeni ntoYahudi. Tapi poparentaKu ledo nopuna lako ri dunia hitu.”

Yohanes 5:41

Yaku ledo mbeki ratoiya nu manusia.

Yohanes 6:22

Naeo mpadondo, todea anu naboli ri sambote rano haitu nangelo i Yesus. Nitorara aga sangu sakaya hamai riavi. Bo nitorara i Yesus ledo nesavi sakaya nosanggani-nggani ante ana-anaguruNa, aga ira bayangi nesavi sakaya hau ri sambotena.

Yohanes 6:3

Nakava ri sambote rano, i Yesus ante ana-anaguruNa nantende ri buntina bo nonturomo.

Ibrani 4:13

Nau aga sangaya anu nipajadi nu Alatala, ledo ria sangua ledo nikitaNa. Pura-pura nalanto nikitaNa. Bo kita kana mompangaku pura-pura pokaingguta ka Ia bara maipia.