Yohanes 5:45 - Kaili Ledo

⁴⁵ Tapi naupa ivesia, nee rasarumakamiu Yaku mompakasala komiu ri ngayo nTuamaKu bara maipia. Naria tona mompakasala komiu, haitumo Nabi Musa anu nisarumakamiu.

Yohanes 5:45 ပူးပေါင်းရင်းမြစ်များ

Lukas 16:29

Nesana i Abraham, ‘Nariamo Buku Atura Agama nitulisi Nabi Musa bo Buku nu Nabi-nabi nte ira. Dekeikamo ira mangoseaka anu nitulisi riara buku-buku haitu!’

Yohanes 12:48

Tona nompoara Yaku bo ledo nompariara tesaKu, naria anu mombahuku ira. TesaKu haitu mombahuku ira ri kaupu nu dunia,

Yohanes 7:19

Nabi Musa nombadekei ka komiu Atura-atura agama nggaulu, tapi ledo ria saitoa komiu natutu nangoseaka Atura-atura haitu. Ane ledo nakana tesaKu hitu, nakuya komiu nompasimbuku mompatesi Yaku?”

Yohanes 8:9

Nangepe tesa i Yesus haitu, nalai saito-saitomo ira lako ri sia, nompamula lako ri totua sampe tona namuda. Kaupuna nalai puramo, naboli damo i Yesus ante mombine pangane batena neangga ri belana.

Roma 2:12

Tona ledo toYahudi ledo nangisani Atura-atura agama Yahudi anu nipapola Nabi Musa. Tapi ane ira novia dosa, ira kana rahuku nau ledo nisanira Atura agama Yahudi. Tapi ane toYahudi anu nangisani Atura agama bo nipoviara dosa, ira kana rahuku nantuntuni Atura agamara haitu.

Galatia 3:10

Isema-sema nanjarumaka majadi manoa ri panggita nu Alatala sabana nioseakana Atura agama, iamo rahuku nu Alatala. Nisanita haitu sabana riara Buku Gasa nitulisi ivei: “Isema-sema ledo natutu nangoseaka pura-pura parenta nitulisi riara Buku Atura Agama, iamo rahuku nu Alatala.”