Yohanes 5:39 - Kaili Ledo

³⁹ Komiu natutu neguru isi Buku Gasa sabana niulimiu riara buku haitu rakavamiu katuvua mabelo sampe ri kasae-saena. Tano isi Buku Gasa haitumo anu nompakalanto isema Yaku.

Yohanes 5:39 ပူးပေါင်းရင်းမြစ်များ

Matius 22:29

Nesana i Yesus, “Nasala mpuu komiu sabana ledo nisanimiu isi Buku Gasa, bo ledo muni nisanimiu kuasa nu Alatala.

Markus 10:3

Nesanamo i Yesus, <>

Markus 12:10

Natantu nibacamiumo tesa riara Buku Gasa anu nanguli ivei:

Lukas 16:29

Nesana i Abraham, ‘Nariamo Buku Atura Agama nitulisi Nabi Musa bo Buku nu Nabi-nabi nte ira. Dekeikamo ira mangoseaka anu nitulisi riara buku-buku haitu!’

Lukas 16:31

Tapi nesana i Abraham, ‘Ane ledo rapariarara parenta Nabi Musa bo nabi-nabi ntanina, tantu ledo muni raparasayara nau maria tomate matuvu mpanjili!’ ”

Lukas 24:25

Nangepe haitu, i Yesus nanguli ka ira, “Nadoyo mpuu komiu! Nakumba mpuu pekirimiu momparasaya anu nitesa nu nabi-nabi nggaulu!

Lukas 24:27

I Yesus nombatesa ka ira pura-pura anu nitulisi ri Buku Gasa, anu nombaboto karoNa mboto, nompamula lako ri buku-buku nitulisi Nabi Musa sampe ri buku-buku nabi ntanina.

Lukas 24:44

Naupu haitu, niuliNamo ka ira, “Hitumo niuliKu ka komiu bara ipia tempo Yaku da naria nosanggani ante komiu. Pura-pura anu niboto nu nabi-nabi nggaulu nantesaki Yaku, kana rapakadupa. Haitumo, anu nitulisi ri Buku Atura Agama nitulisi Nabi Musa, Buku Nabi-nabi ntanina, bo Buku Mazmur.”

Yohanes 1:45

Bo hau i Filipus nosinggava nte i Natanael bo niulikana, “Kami nosinggava nte tona nitesa Nabi Musa riara Buku Atura Agama bo nitesa ri Buku Nabi-nabi ntanina, haitumo i Yesus lako ri ngata Nazaret, ana i Yusuf.”

Yohanes 5:32

Tapi naria saito tona ntanina anu nompakalanto isema Yaku. TuamaKu sabiKu bo nisaniKu tesaNa haitu nakana.

Yohanes 5:36

Tapi naria sangayapa anu nompakalanto isema Yaku, bo anu haitu nopokopa pade sabi i Yohanes Topediu, haitumo pokarajaaKu. PokarajaaKu niparasaya nTuamaKu ka Yaku ala Kupakaupu. Pokarajaa haitumo nompakalanto Yaku hii nitudu nTuamaKu.

Yohanes 5:40

Tapi naupa komiu natutu neguru Buku Gasa, komiu bate-batena ledo nadota momparasaya Yaku ala rakavamiu katuvua mabelo haitu.

Yohanes 5:46

Apa ane komiu mpuu-mpuu nomparasaya tesa Nabi Musa, natantumo raparasayamiu muni Yaku, sabana karoKu hitumo anu nitesa Nabi Musa riara buku-bukuna.

Yohanes 7:52

Nesana roa-roana toFarisi, “Nakuya nisalikukamiu Ia? Komiu muni toGalilea? Paresamo Buku Gasa pakabelo-belo! Rakitamiu ledo ria saitoa nabi meumba lako ri bagia Galilea!”

Suro-Suro 13:27

Tona nonturo ri ngata Yerusalem bo pakeni-pakenira ledo nisanira i Yesus Magau Topepakasalama. Ledo muni nisanira batuana pepatuduki nu nabi-nabi anu nibaca ka ira ri eo-eo penonto. Haitumo sampe nihukura mate i Yesus. Bo poviara haitu nompakadupa anu niboto nu nabi-nabi pangane!

Suro-Suro 17:11

Tona ri ngata Berea nabelo rarara, ledo mpo tona ri ngata Tesalonika. Nadamba rarara nangepe kareba i Yesus bo eo-eo niparesara Buku Gasa ala rasanira bara makana tesa i Paulus bara ledo.

Suro-Suro 26:27

Pade niuli i Paulus ka magau, “Magau Agripa nibilaku, ledo niparasayamiu anu niuli nabi-nabi nggaulu? Nisaniku niparasayamiu muni!”

Roma 1:2

Kareba haitu nijanjiNa nggaulu bo nipopaisaniNa ka nabi-nabiNa. Pura-pura haitu nitulisi riara Buku Gasa.

Roma 3:2

Tantu nadea pelabina, naria mami gunana. Pamula-mulana, Alatala nombadekei tesaNa ka toYahudi nggaulu.

Kolose 3:16

Kareba anu notesaki i Kristus kana rapariarata bo ratanondoakata sampe mamala mosipatuduki bo mosipopatora, nangoseaka noto anu naria riara ntaita. Podadekamo dade Mazmur lako ri Buku Gasa, bo dade-dade pantoiya Alatala bo dade-dade nidekei nu Nosa Gasa. Kita kana modade ante mpuu-mpuu rarata, manguli tarima kasi ka Alatala.

Ibrani 11:16

Tapi ira nalentoraka ngata anu nabelopa, haitumo ngata ri suruga. Jadi Alatala ledo naeya mataNa ane Ia niuli Tupura apa naria mami ngata nipakasadiaNa ka ira.

Ibrani 11:35

Lako ri pomparasayara, mombine-mombine nanggita mpanjili tona-tonara anu nipakatuvu mpanjili lako ri kamatena. Tapi naria muni tona ntanina nompalamba karora nipandasa sampe namate sabana pomparasayara. Ira ledo nadota rakabasaka lako ri kasusa haitu apa ira madota rapakatuvu mpanjili bo manggava katuvua nabelopa.

Pompakita 19:10

Nangepe tesa haitupa, nantaputumo yaku sampe ri tana ri ngayo malaeka haitu mombasomba ia. Tapi nangulimo ia ka yaku, “Nemo! Nee rasomba yaku. Sombamo Alatala! Sabana yaku hii aga batua nu Alatala nasimbayu mpo iko bo nasimbayu mpo sampesuvumu sampomparasaya anu naroo nanggangisi pepatuduki nakana nipopaisani i Yesus. Apa pepatuduki nakana nipopaisani i Yesus, haitumo poko nu tesa ntona anu nompasimbayu tesa lako nte Alatala.”