Yohanes 5:35 - Kaili Ledo

³⁵ I Yohanes Topediu haitu nasimbayu mpo poindo nevangga bo nanggeni reme ka komiu. Bo komiu nadamba mpuu nangepe tesana. Tapi kadamba nu raramiu haitu aga sampalai.

Yohanes 5:35 ပူးပေါင်းရင်းမြစ်များ

Matius 11:11

Nanguli munimo i Yesus, “Pariaramo, lako ri pura-pura tona nipoanaka ri dunia hitu ledo naria saitoa naogepa pade i Yohanes Topediu. Tapi nau tona ledo ria nturona ri Poparenta nu Alatala, naogepa ia pade i Yohanes.

Matius 21:26

Tapi ane raulita kuasana lako nte manusia, naeka kita nte todea, sabana ira pura-pura nomparasaya i Yohanes mpuu-mpuu nabi nTupu.”

Markus 1:5

Bo nakavamo tona lako ri njumangu bagia Yudea bo lako ri ngata Yerusalem mangepe ia. Ira nompangaku dosa-dosara bo i Yohanes nombadiu ira ri Binangga Yordan, tandana najeamo ira lako ri dosara.

Markus 6:20

sabana Magau Herodes naeka rarana nte i Yohanes. Nisanina i Yohanes tona nanoa bo nagasa rarana. Jadi nisalikuna i Yohanes bo ledo nidekeina rapatesi. Ane niepena tesa i Yohanes, domo nasilonga pekirina, tapi nasana muni rarana nangepe tesana.

Lukas 7:28

Nanguli i Yesus, “Toramo! Lako ri pura-pura tona nipoanaka ri dunia hitu, ledo ria saitoa tona naogepa pade i Yohanes. Tapi nau tona ledo ria nturona ri Poparenta nu Alatala, naogepa ia pade i Yohanes.”

Yohanes 6:66

Nompamula lako ri eo haitu, nadea topangoseaka i Yesus nompalaisi Ia bo domo nadota nangoseaka Ia.

2 Petrus 1:19

Naupu nikita kami anu najadi ri bulu haitu, nalanto mpuumo ka kami tesa nipasimbayu nu nabi-nabi nu Alatala nggaulu mpuu-mpuu nakana. Nabelo mpuu ane rapariaramiu tesa nu nabi-nabi haitu, sabana tesara nasimbayu mpo poindo nombavanta kalandana. Pariaramo tesara haitu sampe i Yesus makava mpanjili ri dunia mombavanta komiu ante remeNa, nasimbayu mpo eo bo betue pompaeo nebonda nombavanta dunia.