Yohanes 5:34 - Kaili Ledo

³⁴ Kakanana ledo paraluu manusia mompakalanto isema Yaku. Tapi Kupopatora ka komiu tesa i Yohanes ala komiu mamala rapakasalama.

Yohanes 5:34 ပူးပေါင်းရင်းမြစ်များ

Lukas 13:34

He, komiu toYerusalem! Komiu nompatesi nabi-nabi, bo tona nisuro nu Alatala nirempemiu vatu sampe namate! Nadea ngganimo Yaku madota mombasaliku komiu pura-pura, nasimbayu mpo manu tina nombarumutasi anana, tapi ledo nadota komiu.

Lukas 19:10

Yaku, Ana nu Manusia, nakava ri dunia hitu ala mangelo bo mompakasalama tona nasalandala.”

Lukas 24:47

Kareba Belo kana rapatolele ka pura-pura manusia; ala ira majea lako ri dosara bo Alatala mombaampungi ira sabana anu nipovia nu Magau Topepakasalama. Kareba haitu kana rapatolele mompamula lako ri ngata Yerusalem hitu sampe ri njumangu dunia.

Yohanes 20:31

Tapi anu nitulisi riara buku hitu, patujuna ala manggeni komiu momparasaya i Yesus mpuu-mpuu Magau Topepakasalama, Ana nu Alatala. Bo patujuna muni ala komiu mamala manggava katuvua mabelo sampe ri kasae-saena sabana niparasayamiu Ia.

Yohanes 5:32

Tapi naria saito tona ntanina anu nompakalanto isema Yaku. TuamaKu sabiKu bo nisaniKu tesaNa haitu nakana.

Yohanes 5:41

Yaku ledo mbeki ratoiya nu manusia.

Yohanes 8:54

Nesana i Yesus, “Ane Yaku mombabila karoKu mboto, ledo ntoto maria batuana. Tapi TuamaKu nombabila Yaku bo Iamo anu nipangakumiu Alatala nisombamiu,

Roma 10:1

Sampesuvuku sampomparasaya! Naoge mpuu raraku ala sampesuvuku toIsrael mamala rapakasalama. Yaku nasaro nosambaya ka ira.

Roma 10:21

Tapi ane toYahudi, ivei Alatala nanguli ira: <> Yesaya 65:2

Roma 12:21

Nee rabalasi pokainggu ntona nadaa ante pokainggu nadaa. Ane ivesia, nidagimo kita, nidagi nu daa. Aginamo pokainggu nadaa rabalasi ante pokainggu nabelo, ala belota mombadagi anu nadaa.

Roma 3:3

Sanu toYahudi ledo naroo nomparasaya pojanji nu Alatala. Tapi nau ivesia, nee rasarumakamiu Alatala ledo mompakadupa pojanjiNa.

1 Korintus 9:22

Ane yaku nosanggani-nggani nte tona ledo naroso pomparasayana, yaku najadi nasimbayu mpo ira ala yaku mamala mantulungi mompakaroso pomparasayara. Yaku nangoseaka mpengaya-ngaya pokainggu bo kabiasa ntona ala yaku mamala manggeni sanu ira momparasaya.

1 Timotius 4:16

Jagaimo pokainggumu bo jagai muni pepatudukimu. Iko kana matutu movia pura-pura anu nipatudukiku ka iko. Apa ane mupovia ivesia, iko mboto rapakasalama bo topangepe pepatudukimu muni rapakasalama.

1 Yohanes 5:9

Ane ri potangara, kita nomparasaya posabi manusia. Tapi posabi nu Alatala narosopa pade posabi manusia, bo Ia mboto nosabi nompakatantu i Yesusmo AnaNa.