Yohanes 5:28 - Kaili Ledo

²⁸ Nee mokumaa mangepe tesaKu hitu, sabana kana makava tempona pura-pura tomate mangepe suaraKu

Yohanes 5:28 ပူးပေါင်းရင်းမြစ်များ

Yohanes 3:7

Jadi nee mahera ane Kuuli ka komiu, komiu kana rapoanaka mpanjili.

Yohanes 4:21

Nesana i Yesus ka ia, “Ina, pariaramo tesaKu hitu. Kana makava tempona tona domo mombasomba Tuamata Alatala ri bulu hitu bo domo muni ri ngata Yerusalem.

Yohanes 4:23

Tapi makava tempona bara maipia, bo kakanana tempo haitu nariamo, tona anu mpuu-mpuu mombasomba Tuamata Alatala kana mombasomba Ia ante petulungi nu Nosa GasaNa nangoseaka pepatuduki nakana. Pesomba ivehaitu nipokono nu Alatala.

Yohanes 5:20

Sabana, TuamaKu nompotove Yaku, AnaNa, bo nipopakitaNa ka Yaku pura-pura anu nipoviaNa. Bo rapopakitaNa tanda-tanda nelabipa kabarakana pade anu nipoviaKu pangane ala rapokumaakamiu.

Yohanes 5:25

Pariaramo tesaKu hitu. Kana makava tempona bara maipia, bo sii-sii nakavamo tempona haitu, tona namatemo mangepe suaraKu, Ana nu Alatala, bo ira anu mangepena bo mangoseakana, manggava katuvua mabaru.

Suro-Suro 24:15

Yaku nasimbayu ante toYahudi gahitu, yaku muni nanjarumaka Alatala mompakatuvu pura-pura tona lako ri kamatera, tona nanoa bo muni tona nadaa.

Suro-Suro 3:12

Tempo i Petrus nanggita todea gahaitu, niulikana ira, “Sampesuvu-sampesuvuku toIsrael! Nakuya komiu nokumaa nanggita anu najadi pangane? Nakuya nikanotosikamiu kami? Natantu nisarumakamiu tona hitu nolipa sabana kabaraka kami mboto, atau sabana poagama kami naroso. Tapi ledo ntoto nakana!

1 Korintus 15:22

Pura-pura manusia nireke nosangu ante i Adam apa kita pura-pura mulina. I Adam namatemo, jadi pura-pura manusia kana mamate munimo. Tapi i Kristus nipakatuvu mpanjili. Jadi isema-sema nosangu rara nte i Kristus, ia muni rapakatuvu mpanjili.

Filipi 3:21

Tempo Ia makava, rabalikiNa karota nalente bo mamate, ala majadi masimbayu nte karoNa mboto anu nelabi kaogena bo ledo mamate. Namala rapoviaNa ivesia sabana kuasaNa naogepa pade pura-pura kuasa ntanina bo Iamo nombakuasai pura-pura anu naria.

Pompakita 20:12

Bo nikitaku tona namate neangga ri ngayo Gadera haitu, haitumo, tomaoge bo tona biasa, tona namate nalodo rantasi, tona ntanina anu namate janjina, pura-pura tona lako ri ponturo ntomate. Ira pura-pura neangga ri ngayo Gadera Kamagaua nu Alatala haitu. Bo buku-buku nitimpamo bo niparesa. Riara buku-buku haitu nitulisi pura-pura pokainggu ntona namate. Jadi pehuku ka ira nipakatantu nangoseaka pokainggu-pokainggura nitulisi riara buku-buku. Bo naria buku ntanina nitimpa muni anu niuli Buku Katuvua.