Yohanes 5:21 - Kaili Ledo

²¹ TuamaKu nompakatuvu mpanjili tona namate bo nombadekei katuvua nabaru ka ira. Ivesia muni Yaku, AnaNa, mombadekei katuvua nabaru ka isema-sema nipodotaKu.

Yohanes 5:21 ပူးပေါင်းရင်းမြစ်များ

Yohanes 11:25

Nanguli i Yesus ka i Marta, “Yakumo anu nompakatuvu mpanjili tona namate bo Yakumo nombadekei katuvua nabelo. Isema-sema nomparasaya Yaku, nau ia mamatemo, ia batena matuvu mabelo.

Yohanes 17:2

NidekeiMiumo kuasa ka Yaku, kuasa moparenta pura-pura manusia ala mamala Kudekei katuvua mabelo sampe ri kasae-saena ka tona nidekeiMiu ka Yaku.

Yohanes 6:63

Kuasa nu manusia ledo mompakule nombadekei katuvua nabelo, aga Nosa Gasa nu Alatala. Tesa-tesa niuliKu ka komiu, nakava lako ri Nosa Gasa bo tesa-tesa haitumo nombadekei katuvua nabelo.

Suro-Suro 26:8

Nakuya sampesuvuku toYahudi ledo nompakule nomparasaya Alatala mompakatuvu mpanjili tona namate?

Roma 8:11

Alatala nompakatuvu mpanjili i Yesus ante kuasa Nosa Gasa, bo Nosa Gasa muni nonturo riara ntaita. Jadi nau karota mamate, Alatala mompakatuvu mpanjili karota ante kuasa Nosa Gasa anu nonturo riara ntaita.

1 Korintus 15:45

Riara Buku Gasa naria nitulisi ivei: “Manusia paratama, i Adam, nipakatuvu nu Alatala.” Kajadia 2:7 Tapi i Adam kaupuna, haitumo i Kristus, nombadekei katuvu nabelo sampe ri kasae-saena.