Yohanes 5:18 - Kaili Ledo

¹⁸ Nangepe tesa i Yesus haitu, pakeni ntoYahudi nompasimbuku mpuu mangelo dala mompatesi Ia. Apa Ia ledo aga nombaliunaka atura-atura eo penonto tapi niuliNa muni Alatala TuamaNa mboto. Ivesiamo Ia nompakasimbayu karoNa ante Alatala.

Yohanes 5:18 ပူးပေါင်းရင်းမြစ်များ

Matius 12:5

Bara dopa muni nibacamiu anu nitulisi riara Buku Atura Agama. Ri eo penonto topanggeni pesomba nokarajaa ri Banua nu Alatala tapi ira ledo nireke nasala.

Yohanes 1:19

Pakeni-pakeni ntoYahudi ri ngata Yerusalem nantudu bara sako-ndua topanggeni pesomba bo toLewi hau nte i Yohanes Topediu mompekutana ia ivei: “Isema kakanana komiu tutu?”

Yohanes 10:30

Yaku bo TuamaKu ledo ria posisalana, aga saito.”

Yohanes 10:33

Nesana toYahudi, “Ledo poviaMu nabelo sampe Iko rarempe kami vatu. Tapi sabana Iko nompandaente Alatala. Iko aga manusia biasa, tapi Iko nompakasimbayu karoMu ante Alatala!”

Yohanes 14:23

Nesana i Yesus, “Isema-sema nompotove Yaku raoseakana tesaKu. Bo TuamaKu mompotove ia bo Yaku ante TuamaKu makava monturo mosanggani-nggani ante ia.

Yohanes 14:9

Nesanamo i Yesus, “Ai, Filipus! Nasaemo Yaku nosanggani-nggani ante komiu. Dopa nisanimu isema Yaku? Isema-sema nanggita Yaku, nikitana munimo TuamaKu. Jadi berimba sampe niulimu ivesia, ‘Popakita ka kami TuamaMiu’?

Yohanes 19:7

Nesana toYahudi ka ia, “Nangoseaka atura-atura kami, tona hitu masipato rapatesi sabana Ia nompangaku karoNa Ana nu Alatala!”

Yohanes 5:15

Naupu sia, haumo tona haitu nte pakeni ntoYahudi bo nanguli, i Yesusmo nompakabelo ia.

Yohanes 5:16

Jadi nompamula lako ri kabelo ntona haitu, nieloramo dala mompandasa i Yesus, sabana nipakabeloNa tona nadua ri eo penonto.

Yohanes 5:17

Tapi nanguli i Yesus ka ira, “TuamaKu bate-batena nokarajaa sampe ri eo hitu, bo Yaku muni kana mokarajaa.”

Yohanes 5:23

ala pura-pura tona mombabila Yaku, AnaNa, nasimbayu mpo pebilara Ia. Isema-sema ledo nombabila Yaku, batuana ia ledo muni nombabila TuamaKu anu nantudu Yaku.

Yohanes 7:1

Naupu haitu, i Yesus hau nompesayo ngata-ngata ri bagia Galilea. Domo nadota Ia hau ri bagia Yudea sabana pakeni-pakeni ntoYahudi hamai da nangelo dala mompatesi Ia.

Yohanes 7:19

Nabi Musa nombadekei ka komiu Atura-atura agama nggaulu, tapi ledo ria saitoa komiu natutu nangoseaka Atura-atura haitu. Ane ledo nakana tesaKu hitu, nakuya komiu nompasimbuku mompatesi Yaku?”

Yohanes 8:54

Nesana i Yesus, “Ane Yaku mombabila karoKu mboto, ledo ntoto maria batuana. Tapi TuamaKu nombabila Yaku bo Iamo anu nipangakumiu Alatala nisombamiu,

Yohanes 8:58

Nesanamo i Yesus, “Pariaramo tesaKu. Dopame i Abraham nipoanaka, naria mamimo Yaku!”

Filipi 2:6

Nau Ia nasimbayu nte Alatala, ledo nirasaiNa Ia kana mantaamaka kakuasaNa bo nturoNa nalanga haitu.

Pompakita 22:1

Bo malaeka haitu nompopakita ka yaku, Yohanes, sangu binangga, uvena damo nenggila mpo kaca nevayo. Bo uvena nombadekei katuvua nabelo. Binangga haitu nemata lako ri Gadera Kamagaua nu Alatala bo Ana Bimba,

Pompakita 22:3

Riara ngata haitu domo naria nuapa-nuapa nipindasi nu Alatala. Gadera Kamagaua nu Alatala bo Ana Bimba naria riara ngata haitu. Bo pura-pura topangoseaka Ia metupu ri ngayoNa.