Yohanes 4:48 - Kaili Ledo

⁴⁸ Nangepe haitu, nanguli i Yesus ka ia, “Komiu todea, ane ledo rakitamiu tanda-tanda nipokumaaka bo kabaraka-kabaraka, ledo ntoto raparasayamiu.”

Yohanes 4:48 ပူးပေါင်းရင်းမြစ်များ

Matius 16:1

Naria bara sako-ndua toFarisi bo toSaduki nakava nte i Yesus madota mombaopa tesaNa. Jadi niperapira i Yesus movia tanda nipokumaaka, haitumo tandana Ia mpuu-mpuu niposumba nu Alatala.

Matius 24:24

Apa kana meumba topodava manguli iramo Magau Topepakasalama, bo meumba muni nabi-nabi mpodava anu movia tanda-tanda nipokumaaka bo kabaraka-kabaraka mombabagiu tona. Ane mamala, nau tona nipelisi nu Alatala rabagiura muni!

Matius 27:42

“Tona ntanina nipakasalamaNa. Tapi peinta vei! KaroNa mboto ledo namala nipakasalamaNa! Ane Ia mpuu-mpuu Magau ntoYahudi, agina Ia manau lako ri kayu salib bo kami momparasaya Ia!

Markus 13:22

Sabana meumba topodava manguli iramo Magau Topepakasalama, bo meumba muni nabi-nabi mpodava. Ira pura-pura movia tanda-tanda nipokumaaka bo kabaraka-kabaraka mombabagiu tona. Ane mamala, nau damo tona nipelisi nu Alatala rabagiura muni.

Lukas 10:18

Nanguli i Yesus ka ira, “NikitaKu Magau nu Seta nanavu lako ri langi eva kila.

Lukas 16:31

Tapi nesana i Abraham, ‘Ane ledo rapariarara parenta Nabi Musa bo nabi-nabi ntanina, tantu ledo muni raparasayara nau maria tomate matuvu mpanjili!’ ”

Yohanes 12:37

Naupa nadeamo kabaraka nipoviaNa ri ngayora, ledo niparasayara Ia.

Yohanes 15:24

Ane rapana ledo nipoviaKu kabaraka-kabaraka ri ngayora anu ledo sanggani nipovia ntona ntanina, tantu ira ledo rapakasala sabana dosara. Tapi nikitaramo kabaraka-kabaraka haitu bo ira batena navuu matara nanggita Yaku bo TuamaKu muni. Jadi ira kana rapakasala sabana dosara haitu.

Yohanes 2:18

Naupu haitu pakeni-pakeni ntoYahudi nangeva i Yesus bo nanguli, “Kabaraka nuapa rapoviaMu tandana Iko nakuasa nompopalai tona ivesia?”

Yohanes 20:29

Nanguli i Yesus ka i Tomas, “Iko nomparasaya sabana nikitamu Yaku. Tapi nabelopa tona nomparasaya nau ledo nikitana Yaku.”

Yohanes 4:49

Nanguli tomaoge haitu ka i Yesus, “Pue, masalisa kita hau kamba da naria nosana.”

Suro-Suro 14:3

I Paulus bo Barnabas nasae nonturo ri sia. Ledo naeka ira notesa i Pue Yesus ka tona. Nitesara pepotoveNa bo kabelo raraNa bo i Pue nombadekei kuasa ka ira movia kabaraka-kabaraka bo tanda-tanda nipokumaaka ala rasani ntodea tesa nu suro-suro haitu mpuu-mpuu nakana.

Suro-Suro 15:12

Naupu i Petrus notesa ivesia, pura-pura tona nasiromu ri sia nalinomo bo nompetalingai i Barnabas bo i Paulus nombasili tesa kabaraka-kabaraka bo tanda-tanda anu nipokumaaka nipoviara nte kuasa nu Alatala tempo ira naria ri ngata ntona ledo toYahudi.

Suro-Suro 2:19

Kupopakita ka komiu kabaraka-kabaraka ri langi bo tanda-tanda nipokumaaka ri dunia. Maria raa bo apu bo unu nu apu.

Suro-Suro 2:22

I Petrus nompakapola tesana ivei: “Sampesuvu-sampesuvuku toIsrael! Pariaramo tesaku hitu! Alatala nompopakita ka komiu pura-pura, Ia mpuu-mpuu nompelisi bo nantudu i Yesus toNazaret, sabana nidekeikaNa kuasa movia kabaraka bo tanda-tanda nipokumaaka. Nisanimiu mboto tesaku hitu nakana, sabana kajadia haitu pura-pura najadi ri tatangata.

Suro-Suro 2:43

Nadea mpuu kabaraka bo tanda-tanda nipokumaaka nipovia nu suro-suro sampe nokumaa bo naeka todea.

Suro-Suro 4:30

Pue, tulungi ala tona nadua mamala rapakabelo bo kabaraka bo tanda nipokumaaka majadi ante kuasa i Yesus, BatuaMiu nagasa.”

Suro-Suro 5:12

Nadea mpuu kabaraka bo tanda-tanda nipokumaaka nipovia nu suro-suro ri mata ntodea. Bo topangoseaka i Yesus nosangu rara nasiromu ri Banua nu Alatala ri Tambale Magau Salomo.

Suro-Suro 6:8

I Stefanus mpuu-mpuu nipobelo nu Alatala. Bo naria kuasa nu Alatala nte ia sampe nadea kabaraka bo tanda nipokumaaka nipoviana ri ngayo ntodea.

Suro-Suro 7:36

I Musamo mai tona nanggeni todea toIsrael nesuvu lako ri tana Mesir, bo nipoviana kabaraka-kabaraka bo tanda-tanda nipokumaaka ri tana Mesir, ri Tasi Nalei bo ri karava-karava bai patapulu mpae kasaena.

Roma 15:19

bo sabana kabaraka-kabaraka bo tanda-tanda nipokumaaka nipoviaku ante kuasa Nosa Gasa. Lako ri ngata Yerusalem sampe ri tana Ilirikum, nipatoleleku pura-pura Kareba Belo i Yesus Kristus ka tona.

1 Korintus 1:22

ToYahudi ledo nadota momparasaya ane ledo rakitara tanda nipokumaaka. Bo toYunani ledo nadota momparasaya ane ledo ratesa ka ira ante kapande nu manusia.

2 Korintus 12:12

Tempo yaku naria ri situ nte komiu, nipoviaku tanda-tanda anu nompakalanto yaku mpuu-mpuu suro i Yesus. Yaku nosabara nokarajaa nau nadea kasusa nirasaiku, bo nipoviaku tanda-tanda nipokumaaka bo kabaraka-kabaraka ante kuasa lako nte Alatala.

2 Tesalonika 2:9

Topesapuaka meumba ante kuasa mbaso lako ri Magau nu Seta bo rapoviana mpengaya-ngaya kabaraka bo tanda-tanda nipokumaaka anu mombabagiu tona.

Ibrani 2:4

Bo Alatala mboto nompakalanto kareba nipatolelera mpuu-mpuu nakana. Apa nipoviaNa mpengaya-ngaya kabaraka bo tanda nipokumaaka, bo nipaleleNa pompakule lako ri Nosa GasaNa nangoseaka dotaNa mboto.