Yohanes 4:46 - Kaili Ledo

⁴⁶ Bo hau vaimo Ia ri ngata Kana ri bagia Galilea, ngata nipompajadiNa uve najadi uve anggur bara ipia. Ri ngata Kapernaum naria saito tomaoge anu nokarajaa ri banua magau, anana langgai nadua ntamo.

Yohanes 4:46 ပူးပေါင်းရင်းမြစ်များ

Matius 15:22

Naria saito mombine toKanaan, tona ledo toYahudi, nonturo ri bagia haitu. Ia nakava nte i Yesus bo nongare-ngare ivei: “Pue, Muli Magau Daud! Poasimo yaku hii! Anaku mombine nipesua seta sampe nandasa mpuumo ia!”

Matius 4:13

Nakava ri bagia Galilea nolinjamo Ia lako ri ngata Nazaret hau nonturo ri ngata Kapernaum ri bivi Rano Galilea ri tana muli i Zebulon bo i Naftali.

Matius 9:18

Da notesa i Yesus, nakavamo saito pakeni ri banua petupu ntoYahudi. Nantaputumo ia ri ngayo i Yesus bo nerapi tulungi ante mpuu-mpuu rara. Niulina, “Dako namate anaku mombine. Kamai, kita hau ri banuaku. Tuu paleMiu ri karona ala matuvu mpanjili ia.”

Lukas 4:23

Nanguli i Yesus ka ira, “Natantu raulimiu porapa hitu ka Yaku: ‘Dokutoro, pakabelo karomu mboto. Ane Komiu mpuu-mpuu nabi, popakitaMiu muni kabarakaMiu ri ngataMiu mboto mpo anu niepe kami nipoviaMiu ri ngata Kapernaum.’

Lukas 7:2

Hamai naria saito balengga ntantara nu Magau Roma bo naria muni batua nipotovena. Batua haitu nadua ntamo, damo kamatena.

Lukas 8:42

apa anana saito-itona, ana mombine noumuru sapulu rompae, nadua ntamo, damo kamatena. Nangepe haitu, haumo i Yesus ri banuana. Tempo ira da ranja mpolipa hau ri banua i Yairus, todea nomposimpii i Yesus.

Yohanes 2:12

Naupu posusa haitu i Yesus hau ri ngata Kapernaum nosinggani-nggani ante tinaNa bo sampesuvu-sampesuvuNa bo ana-anaguruNa. Bo ira nonturo hamai bara sako-mbongi kasaena.

Yohanes 21:2

Bara sako-ndua anaguru i Yesus nasiromu ri sia, haitumo i Simon Petrus, i Tomas anu nidae “Ngana Rapi”, i Natanael lako ri ngata Kana ri bagia Galilea, bo randua ana i Zebedeus, bo randua anaguruNa ntanina.