Yohanes 4:30 - Kaili Ledo

³⁰ Nangepe tesa mombine haitu, nesuvumo ira lako ri ngata haitu hau mompeinta i Yesus.

Yohanes 4:30 ပူးပေါင်းရင်းမြစ်များ

Matius 20:16

Bo i Yesus nompakaupu porapa haitu ante nanguli, “Ivesia muni bara maipiapa, tona naede panggana sii-sii majadi tona malanga panggana. Bo nadea muni tona nalanga panggana sii-sii majadi tona maede panggana.”

Yohanes 4:29

“Kamaimo! Kita hau mompeinta langgai ria anu nombatesa ka yaku pura-pura anu nipoviaku. Bara suga Iamo Magau Topepakasalama anu nijanji nu Alatala.”

Yohanes 4:31

Puri mombine rou rangata, nanguli ana-anaguru i Yesus ka Ia, “Kaimo Guru, mangandemo kita.”

Yohanes 4:39

Nadea toSamaria lako ri ngata haitu nomparasaya i Yesus sabana nieperamo tesa nu mombine pangane nanguli, “Ia notesa ka yaku pura-pura anu nipoviaku.”

Suro-Suro 10:33

Haitumo sampe nitudukumo nasalisa tona hau mangulika komiu tumai. Nabelo mpuu raramiu nakava tumai. Hitupa kami nasiromu puramo ri panggita nu Alatala, ala raepe kami pura-pura anu niuliNa ratesamiu ka kami.”

Suro-Suro 13:42

Naupu sia, nesuvumo i Paulus bo i Barnabas lako ri banua petupu bo niperapi ntodea ala manjili vai ira ri eo penonto meonga mompapola anu nitesara pangane.

Suro-Suro 28:28

Kaupuna i Paulus nanguli, “Sampesuvu-sampesuvuku. Kareba Belo nanguli berimba Alatala mompakasalama manusia. Jadi nau ledo ratarimamiu, kana rasanimiu, Kareba Belo haitu nipatolelemo ka tona ledo toYahudi bo iramo mangoseakana.”

Roma 5:20

Atura agama nidekei nu Alatala ala mantambai kadea dosa nipovia nu manusia. Tapi nau dosa manusia nantambai kadeana, pepotove nu Alatala naogepa.