Yohanes 4:29 - Kaili Ledo

²⁹ “Kamaimo! Kita hau mompeinta langgai ria anu nombatesa ka yaku pura-pura anu nipoviaku. Bara suga Iamo Magau Topepakasalama anu nijanji nu Alatala.”

Yohanes 4:29 ပူးပေါင်းရင်းမြစ်များ

Matius 12:23

Nanggita kajadia haitu, nokumaa mpuumo todea hamai sampe nosimpekutana ira, “Bara tona hitumo Muli Magau Daud anu nijanji nu Alatala nggaulu!”

Yohanes 4:25

Nesana vai mombine haitu, “Nisaniku kana makava Magau Topepakasalama anu niuli i Kristus. Ane Ia haitu makava, Ia kana motentei pakalanto mpengaya-ngaya ka kita.”

Yohanes 4:28

Naupu sia, mombine haitu nomboli posibuna ri sia bo nanjili hau ri ngata. Nakava hamai niulina ka tona ri ngata haitu,

Yohanes 4:30

Nangepe tesa mombine haitu, nesuvumo ira lako ri ngata haitu hau mompeinta i Yesus.

Yohanes 4:39

Nadea toSamaria lako ri ngata haitu nomparasaya i Yesus sabana nieperamo tesa nu mombine pangane nanguli, “Ia notesa ka yaku pura-pura anu nipoviaku.”

Yohanes 7:26

Tapi peintamo! Ia notesa ri ngayo ntodea bo ledo ria saitoa tona nombabali tesaNa. Nee-nee bara nisani nu pakenita Iamo Magau Topepakasalama anu nijanji nu Alatala!

Yohanes 7:31

Tapi nadea lako ri todea haitu nomparasaya Ia. Niulira, “Magau Topepakasalama mpuumo Ia, apa nadea mpuu kabaraka nipoviaNa!”

Pompakita 22:17

Nosa Gasa bo boti mombine anu nasadia rapoberei nu Ana Bimba haitu nanguli, “Kamaimo!” Bo pura-pura tona nangepe tesa hitu kana manguli, “Kamaimo!” Isema-sema nabai tambolona, kamaimo! Isema-sema madota, kamaimo manginu uve anu nombadekei katuvua. Uve haitu nidekei bayangi, ledo paraluu raali.