Yohanes 4:28 - Kaili Ledo

²⁸ Naupu sia, mombine haitu nomboli posibuna ri sia bo nanjili hau ri ngata. Nakava hamai niulina ka tona ri ngata haitu,

Yohanes 4:28 ပူးပေါင်းရင်းမြစ်များ

Matius 28:8

Jadi nalaimo ira nasalisa lako ri dayo. Naeka ira tapi nadamba muni rarara. Nangovamo ira hau manguli anu najadi ka ana-anaguru i Yesus.

Lukas 24:33

Jadi jaa haitu munimo ira nanjili hau ri ngata Yerusalem. Hamai nikavara anaguru i Yesus sapulu saitopa nasiromu ante tona ntanina.

Lukas 24:9

Jadi nanjilimo ira lako ri dayo haitu, bo nitesara pura-pura anu najadi pangane ka anaguruNa sapulu saito bo ka pura-pura topangoseaka Ia ntanina.

Yohanes 4:27

Da ranja mpotesa ira, nakavamo ana-anaguru i Yesus lako riara ngata. Natekaja ira nanggita i Yesus notesa nte mombine haitu. Tapi ledo ria saitoa nabia nompekutana mombine haitu, “Nuapa paraluumu?” Ledo muni nabia ira nompekutana i Yesus, “Nuapa sabana Komiu notesa nte mombine haitu?”

Yohanes 4:29

“Kamaimo! Kita hau mompeinta langgai ria anu nombatesa ka yaku pura-pura anu nipoviaku. Bara suga Iamo Magau Topepakasalama anu nijanji nu Alatala.”

Yohanes 4:7

Ana-anaguru i Yesus napola hau riara ngata haitu mangali kandea. Tempo i Yesus nonturo ri buvu haitu, nakavamo saito mombine toSamaria manambu uve. Nanguli i Yesus ka ia, “Ina, dekei ka Yaku hanu uve Kuinu.”