Yohanes 3:31 - Kaili Ledo

³¹ I Yesus anu nanau lako ri suruga naogepa pade pura-pura manusia. Manusia biasa lako ri dunia hitu, aga nombatesa anu najadi ri dunia hitu. Tapi Ia anu nanau lako ri suruga naogepa pade pura-pura manusia.

Yohanes 3:31 ပူးပေါင်းရင်းမြစ်များ

Matius 28:18

I Yesus nanggaparai ira bo nanguli, “Pura-pura kuasa ri suruga bo ri dunia nidekei ka Yaku.

Yohanes 1:15

I Yohanes nompopaisani ka todea isema niuli Tesa nu Alatala haitu. Nongaremo ia, “Hitumo Ia anu niuliku bara ipia. Niuliku kana maria tona makava ri puriku anu naogepa pade yaku. Ia naogepa pade yaku sabana lako ri lamba pamulana dopame yaku nipoanaka naria mamimo Ia.”

Yohanes 1:27

Ia haitu makava maliu yaku. Tapi Ia naogepa pade yaku sampe nau mombavole lui sapatuNa, ledo masipato yaku.”

Yohanes 1:30

Iamo nitesaku bara ipia tempo niuliku ka komiu kana makava saito tona ri puriku anu naogepa pade yaku, sabana dopame yaku nipoanaka, naria mamimo Ia lako ri lamba pamulana.

Yohanes 6:33

Apa kandea nopuna lako ri Alatala, haitumo Ia anu nanau lako ri suruga bo nombadekei katuvua ka manusia.”

Yohanes 6:51

Yakumo hii kandea anu nanau lako ri suruga, anu nombadekei katuvua nabelo haitu. Isema-sema mangande kandea hitu, matuvu mabelo sampe ri kasae-saena. Kandea anu nombadekei katuvua nabelo, batuana isi karoKu anu Kudekei ala manusia mamala matuvu mabelo sampe ri kasae-saena.”

Yohanes 8:23

Tapi nanguli i Yesus ka ira, “Komiu nopuna lako ri dunia hitu, tapi Yaku nopuna lako ri suruga. Komiu todea ri dunia hitu, tapi Yaku ledo.

Suro-Suro 10:36

Sampesuvu-sampesuvu, nisanimiu mbotomo isi kareba nipasimbayu nu Alatala ka kami toIsrael. Kareba haitu nanguli i Yesus Kristus anu nompoposinggabelo manusia ante Alatala. I Yesusmo Tuputa pura-pura, ledo aga Tupu ntoYahudi.

Roma 9:5

Ira muli i Abraham, i Ishak bo i Yakub, totua toIsrael nggaulu anu nipelisi nu Alatala. Bo tempo i Kristus najadi manusia, Ia nipoanaka lako ri muli ntoIsrael. Iamo nombakuasai pura-pura. Iamo Alatala anu masipato ratoiya sampe ri kasae-saena. Amin!

Ibrani 9:1

Riara pojanji nu Alatala nokolu haitu naria atura-atura anu nompakatantu cara metupu nte Alatala, bo naria muni tenda petupu nipovia nu manusia.

1 Petrus 3:22

Bo i Yesus neore hau ri suruga bo sii-sii nonturo ri ponturo nibila ri panggana nu Alatala bo nomparenta nosanggani-nggani nte Ia. Bo pura-pura malaeka bo topoparenta bo tonakuasa ri laerava natundu nte Ia.

1 Yohanes 4:5

Nabi-nabi mpodava gahaitu ledo nangoseaka dota nu Alatala. Haitu sampe pepatudukira nangoseaka pekiri ntona ri dunia anu ledo nangoseaka dota nTupu, bo nadamba tona nompetalingai pepatudukira.

Pompakita 19:16

Ri bajuNa bo ri timpuNa nitulisi sangaNa ivei: MAGAU NU PURA-PURA MAGAU, TUPU NU PURA-PURA TUPU.