Yohanes 21:23 - Kaili Ledo

²³ Lako rahaitu natolelemo kareba ka topomparasaya i Yesus nanguli anaguru nipotoveNa haitu ledo mamate. Tapi ledo ivesia tesa i Yesus. Ivei niuliNa: “Ane rapana Yaku madota ia matuvu sampe Yaku makava mpanjili ri dunia hitu, haitu ledo paraluu musani.”

Yohanes 21:23 ပူးပေါင်းရင်းမြစ်များ

Matius 16:27

Jadi, oseakamo Yaku nau sampe mamate. Apa domo masae Yaku, Ana nu Manusia makava lako ri suruga ante kuasa bo reme lako nte TuamaKu, mosanggani-nggani ante malaeka-malaekaNa. Bo tempo haitu Kubalasi pura-pura tona nangoseaka pokaingguna.

Suro-Suro 1:15

Naria saeo, nitasere saatu ropulu kadeara nasiromu. Neanggamo i Petrus ri tatanga nu sampesuvu sampomparasaya bo nanguli,

Suro-Suro 28:14

Ri sia kami nosintomu ante bara sako-ndua sampesuvu sampomparasaya, bo nikenira kami hau monturo ante ira pitu-mbongi kasaena. Naupu haitu, napolamo kami hau ri ngata Roma.

Suro-Suro 6:3

Jadi aginapa rapelisimiu papitu tona lako nte komiu mboto radekeika bago haitu. Pelisimo tona nabelo sangana, nanoto, bo nikuasai Nosa Gasa nu Alatala, bo pura-pura bago haitu radekei kami ka ira.

1 Korintus 11:26

Apa nggani-nggani komiu mangande roti bo manginu uve anggur hitu, komiu mompatolele kareba kamate i Pue Yesus sampe Ia makava mpanjili ri dunia hitu.

1 Korintus 4:5

Jadi nee komiu masalisa mompakatantu sala ntona ane dopa nakava tempona. Popea sampe i Pue Yesus makava mpanjili ri dunia. Iamo mompakalanto pura-pura anu nitabuniaka ri kalandana sii-sii. Iamo mompakalanto mpengaya-ngaya patuju nitabuniaka riara ntai manusia. Ri tempo haitu, Alatala mombatoiya isema-sema masipato ratoiyaNa.

Yakobus 5:7

Sampesuvu-sampesuvuku, komiu kana mosabara sampe makava Tupu. Peintamo posabara ntopotuda, ira nompopea sampe naria vuana nisarumakara. Ira nosabara nompopea uda anu mompakatuvu tuda-tudara.

Pompakita 2:25

Kingisi pakarosomo pepatuduki anu naria nte komiu sampe Yaku makava mpanjili.