Yohanes 21:19 - Kaili Ledo

¹⁹ Ante jalili haitu i Yesus nompopaisani dala nggamate i Petrus bara maipiapa, anu mompopakita kaoge nu Alatala. Naupu haitu nangulimo i Yesus ka i Petrus, “Nee menonto mangoseaka Yaku!”

Yohanes 21:19 ပူးပေါင်းရင်းမြစ်များ

Matius 10:38

Bo tona ledo nanjimbuaka kayu salibna bo nangoseaka Yaku, ia ledo masipato rauli topangoseaka Yaku.

Matius 19:28

Nesana i Yesus ka ira, “Pariaramo tesaKu hitu. Yaku, Ana nu Manusia momparenta ante kuasa bara maipia tempo Alatala mompakabaru mpengaya-ngaya. Bo komiu topangoseaka Yaku momparenta mosanggani-nggani nte Yaku bo monturo ri sapulu randua gadera magau bo mombatangara todea Israel, haitumo muli nu sapulu randua ana i Israel.

Matius 8:22

Tapi nanguli i Yesus ka ia, “Oseakamo Yaku! Palambakamo tona namate mombatana tona namate.”

Yohanes 12:26

Isema-sema mokarajaa ka Yaku kana mangoseaka Yaku ala ri umba-umba Kukalau, ia mosanggani-nggani nte Yaku. Bo isema-sema mokarajaa ka Yaku natantu rabila nTuamaKu.

Yohanes 12:33

I Yesus notesa ivesia ala mompopaisani ka ira dala kamateNa ri kayu salib ngena.

Yohanes 18:32

Haitu najadi mompakadupa tesa i Yesus tempo Ia notesa dala kamateNa.

Yohanes 21:18

Pariaramo tesaKu hitu, tempo iko da namuda iko mboto nompou kopemu bo hau ri umba-umba nipodotamu. Tapi ane matuamo iko, iko kana mombadekei palemu ratipunggu ntona ntanina, bo iko rakeni ntona hau ri ponturo anu ledo nipokonomu.”

Yohanes 21:22

Nesana i Yesus, “Ane rapana Yaku madota ia matuvu sampe Yaku makava mpanjili ri dunia hitu, haitu ledo paraluu musani. Tapi iko, nee menonto mangoseaka Yaku!”

Filipi 1:20

Yaku mpuu-mpuu nanjarumaka yaku ledo rapakaeya nokarajaa nompatolele Kareba i Kristus. Nisarumakaku yaku bate-batena mabia mosabi, nemopa sii-sii, ala nau mamate atau matuvu yaku, rakita ntona kaoge i Kristus riara nggatuvuku.

2 Petrus 1:14

Apa nisanikumo domo masae yaku mamate, nangoseaka anu niuli nTuputa Yesus Kristus ka yaku.